ବଲାଙ୍ଗୀର ଜିଲ୍ଲାର ସମରସିଂ ଗାଁରେ ମାଓ ପୋଷ୍ଟର ବ୍ୟାନର: ପଞ୍ଚାୟତ ନିର୍ବାଚନ ବର୍ଜନ ପାଇଁ ଆହ୍ୱାନ
କଣ୍ଟାବାଞ୍ଜି: ବଲାଙ୍ଗୀର ଜିଲ୍ଲାର ତୁରେକେଲା ଥାନା ସମରସିଂ ଗାଁରେ ମାଓ ପୋଷ୍ଟର ବ୍ୟାନର ଦେଖିବାକୁ ମିଳିଛି । ବ୍ୟାନରରେ ପଞ୍ଚାୟତ ନିର୍ବାଚନ ବର୍ଜନ କରିବାକୁ ଲେଖାଯାଇଛି । ଗାଁରେ ଲୋକମାନେ ଏକଜୁଟ ହୋଇ ନିଜର ସରକାର ଗଠନ କରିବା, ଦୁର୍ନୀତିଗ୍ରସ୍ତ ମିଛ ନିର୍ବାଚନ ବର୍ଜନ, ଗାଁର ବିକାଶ ପାଇଁ ରାଲି ଜୁଲୁସ ଧାରଣା କରିବାକୁ ଉଲ୍ଲେଖ ଥିବା ଦେଖାଯାଇଛି।
Sambad is now on WhatsApp
Join and get latest news updates delivered to you via WhatsApp
ବ୍ୟାନର ପୋଷ୍ଟର ଓଡ଼ିଆ ଭାଷାରେ ଲେଖା ହୋଇଥିବା ବେଳେ ବଲାଙ୍ଗୀର -ବରଗଡ଼- ମହାସମୁନ୍ଦ ଡିଭିଜନ ବୋଲି ଲେଖା ହୋଇଛି। ତୁରେକେଲା ପୁଲିସ ବ୍ୟାନର ପୋଷ୍ଟର ଜବତ କରିଥିବା ବେଳେ ସତରେ କଣ ଏହା ମାଓବାଦୀ ବ୍ୟାନର ନା ଲୋକଙ୍କୁ ଭୟଭୀତ କରିବାକୁ କାହାର ଉଦ୍ୟମ ତାହା ପୁଲିସ ତଦନ୍ତ କରୁଛି ।