ଟିଟିଲାଗଡ଼: ଟିଟିଲାଗଡ଼ ଥାନା ଖୋଲାନ ଗାଁ ନିକଟରେ ବୁଧବାର ଏକ ସଡ଼କ ଦୁର୍ଘଟଣାରେ ସେହି ଗାଁର ମୁରଲୀ ଅଗ୍ରୱାଲ (୪୪)ଙ୍କ ମୃତ୍ୟୁ ଘଟିଛି। ସେ ଖୋଲାନ ଗାଁରୁ ପଥର୍ଲା ଗାଁ ଆଡ଼କୁ ଚାଲି ଚାଲି ଯାଉଥିବା ବେଳେ ହଠାତ ଏକ ବାଇକ ଚାଳକ ତାଙ୍କୁ ପଛରୁ ଧକ୍କା ଦେଇଥିଲା। ଫଳରେ ମୁରଲୀ ଓ ବାଇକ ଚାଳକ ଛିଟିକି ପଡ଼ିଥିଲେ। ପ୍ରାତଭ୍ରମଣ ସାରି ଆସୁଥିବା ମୁରଲୀଙ୍କ ଭାଇ ଘଟଣାସ୍ଥଳରେ ପହଞ୍ଚି ତାଙ୍କୁ ଡାକ୍ତରଖାନା ନେଇଥିଲେ। ତାଙ୍କ ଅବସ୍ଥା ସଙ୍କଟାପନ୍ନ ଥିବା ଦର୍ଶାଇ ଡାକ୍ତର ତାଙ୍କୁ ବଲାଙ୍ଗୀର ସ୍ଥାନାନ୍ତର କରିବାକୁ ପରାମର୍ଶ ଦେଇଥିଲେ। ବଲାଙ୍ଗୀର ନେବା ବାଟରେ ତାଙ୍କ ମୃତ୍ୟୁ ଘଟିଥିଲା। ଏହାକୁ ନେଇ ପୁଲିସ ଟିଟିଲାଗଡ଼ ଥାନା କେସ ନଂ ୬୪/୧୮ରେ ଏକ ମାମଲା ରୁଜୁ ଜରିଛି। ଦୁର୍ଘଟଣା ଘଟାଇଥିବା ବାଇକ ଚାଳକ ମଧ୍ୟ ଖୋଲାନ ଗାଁର ଏବଂ ତାଙ୍କ ଅବସ୍ଥା ମଧ୍ୟ ଗୁରୁତର ଥିବା ସୂଚନା ମିଳିଛି।