ପଥର ଖାଦାନ, ବାଲିଘାଟ ଓ ପୋଡା ଇଟାଭାଟିରେ ପ୍ରଶାସନିକ ଚଢ଼ାଉ

ବଲାଙ୍ଗୀର: ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ତହସିଲ ଅନ୍ତର୍ଗତ ସିନ୍ଧେକେଲା ଅଞ୍ଚଳର ପଥର ଖାଦାନ, ବାଲିଘାଟ ଓ ଇଟାଭାଟିରେ ବୁଧବାର ସକାଳୁ ଅତର୍କିତ ଚଢାଉ ଚାଳିଛି। ଟିଟିଲାଗଡ ଉପଜିଲ୍ଲାପାଳ ଦୟାମୟ ପାଢୀଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଟିଟିଲାଗଡ ଏସଡିପିଓ, ଟିଟିଲାଗଡ ଆଇଆଇସି ରଞ୍ଜନ ବରିହା, ତହସିଲଦାର , ଆରଆଇ ପୁଲିସ ଫୋର୍ସ ସହ ପହଞ୍ଚି ଚଢ଼ାଉ କରିଛନ୍ତି।

ପ୍ରଥମେ ଦେହେଲି ପଥର ଖାଦାନ ପରେ ସାଲେମୁଡଗା ପଥର ଖାଦାନ ସେହି ରାସ୍ତାରେ ଥିବା ତୁଲା ଭୋଇଙ୍କ ଇଟାଭାଟି, ସାଲେବରଟ ବାଲିଘାଟ ଆଦିରେ ଚଢାଉ ହୋଇଥିଲା। ମାପଚୁପ ଚାଲିଥିବା ବେଳେ କିଛି ଟ୍ରାକ୍ଟର ଆର ଫର୍ମ ଦେଖାଇ ନ ପାରିବାରୁ ଗାଡ଼ିଗୁଡ଼ିକୁ ଅଟକ ରଖାଯାଇଥିବା ଜଣାପଡିଛି। ଉପଜିଲ୍ଲାପାଳଙ୍କୁ ଏ ବିଷୟରେ ପଚାରିବାରୁ ବର୍ତ୍ତମାନ ମାପଚୁପ ଚାଳିଛି ଓ  ସବୁ ସରିଲା ପରେ ସବିଶେଷ ବିବରଣୀ ଦେଇହେବ ବୋଲି କହିଛନ୍ତି।