ବୋଲେରୋ ଧକ୍କାରେ ଛାତ୍ରର ମୃତ୍ୟୁ

କଣ୍ଟାବାଞ୍ଜି: ହସଖୁସିରେ ଶିଶୁମନ୍ଦିରକୁ ଛାତ୍ରଜଣକ ପାଠ ପଢିବା ପାଇଁ ଯାଉଥିବା ବେଳେ ଘଟିଛି ଅଘଟଣ। ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ତୁରୁକଭଟା ଗାଁ ନିକଟରେ ବୋଲେରୋ ଧକ୍କା ରେ ଜଣେ ଶିଶୁ ମନ୍ଦିରର ଛାତ୍ର ମୃତ୍ୟୁ ହୋଇଥିବାର ସୂଚନା ମିଳିଛି।

ସୂଚନା ଅନୁଯାୟୀ, କେଗାଁ ଥାନା କୁହୁରା ପଞ୍ଚାୟତ କଣ୍ଟାମାଲ ଗାଁର ଜଣେ ଛାତ୍ର ଘୃତରାମ ମାଝୀ ବାଇକରେ ସିନ୍ଧେକେଲା ଶିଶୁ ମନ୍ଦିରକୁ ବାଇକରେ ପାଠ ପଢିବା ପାଇଁ ଯାଉଥିବା ବେଳେ ବିପରୀତ ଦିଗରୁ ଏକ ବୋଲେରୋ ଆସି ଧକ୍କା ଦେବାରୁ ଘଟଣାସ୍ଥଳରେ ସେ ଛିଟିକି ପଡ଼ିଥିଲା। ସ୍ଥାନୀୟ ଲୋକେ ତାକୁ ଉଦ୍ଧାର କରି ସିନ୍ଧେକେଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଘୃତରାମ ମାଝୀକୁ ଡାକ୍ତର ମୃତ ଘୋଷଣା କରିଥିଲେ। ଏ ନେଇ ସିନ୍ଧେକେଲା ଥାନା ରେ ଏକ ଅପମୃତ୍ୟୁ ମାମଲା ରୁଜୁ କରିଛି ପୁଲିସ। ଏନେଇ ପୁଲିସର ପ୍ରତିକ୍ରିୟା ମିଳିପାରି ନାହିଁ।