ବିଲରୁ ଘରକୁ ଫେରୁଥିବା ବେଳେ ଧାରୁଆ ଅସ୍ତ୍ରରେ ଯୁବତୀଙ୍କୁ ମରଣାତ୍ମକ ଆକ୍ରମଣ
ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଡାକ୍ତରଖନାକୁ ସ୍ଥାନାନ୍ତରିତ
ପାଟଣାଗଡ଼: ବଲାଙ୍ଗୀର ଜିଲ୍ଲାର ପାଟଣାଗଡ଼ ବ୍ଲକ ଅନ୍ତର୍ଗତ ତେଣ୍ଡାପଦ ଗ୍ରାମରେ ଜମିରୁ ଲଟା ବାଛି ଫେରୁଥିବା ବେଳେ ଜଣେ ଯୁବତୀକୁ ଜୈନିକ ଯୁବକ ଆକ୍ରମଣ କରିଥିବା ଜଣାପଡିଛି । ଏଥିରେ ଯବତୀ ଜଣକ ଗୁରୁତର ହୋଇ ପଡିଥିବା ବେଳେ ପ୍ରଥମେ ପାଟଣାଗଡ଼ ଉପଖଣ୍ଡ ଚିକିତ୍ସାଳୟ ଓ ପରେ ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରା ଯାଇଥିବା ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଖପ୍ରାଖୋଲ ବ୍ଲକ ଅନ୍ତର୍ଗତ ବାଘମୁଣ୍ଡ ଗ୍ରାମର ବୃନ୍ଦାବନ ବରିହା ନାମକ ଜୈନିକ ଯୁବକ ପାଟଣାଗଡ଼ ବ୍ଲକ ତେଣ୍ଡାପଦ ଗ୍ରାମର ନିଜ ସମ୍ପର୍କିୟଙ୍କ ଘରେ ଆସି ରହୁଥିଲା । ଉକ୍ତ ଘର ସମ୍ମୁଖରେ ଗ୍ରାମର ନିତ୍ୟା ମହାଲିଙ୍ଗଙ୍କ ଘର ରହିଛି । ନିତ୍ୟାଙ୍କ ଝିଅ ଲକ୍ଷ୍ମୀ ମହାଲିଙ୍ଗକୁ ବୃନ୍ଦାବନ ଏକତରଫା ଭଲ ପାଉଥିଲା। ତେବେ ଶୁଣିବାକୁ ମିଳୁଛି ଯେ ଲକ୍ଷ୍ମୀର ଇତି ମଧ୍ୟରେ ବିବାହ ଠିକ ହୋଇ ସାରିଥିବା ବୃନ୍ଦାବନ ଜାଣିବାକୁ ପାଇଥିଲା । ତେଣୁ ବୃନ୍ଦାବନ ଲକ୍ଷ୍ମୀକୁ ଆକ୍ରମଣ କରିଥିବା ନେଇ ମଧ୍ୟ ଆଲୋଚନା ହେଉଥିବା ଜଣାପଡିଛି ।
ଲକ୍ଷ୍ମୀ ଓ ଗ୍ରାମର ୫ /୭ ଜଣ ମହିଳା ନିକଟସ୍ଥ ଜମିକୁ ଶନିବାର ଲଟା(ଘାସ) ବାଛିବା ପାଇଁ ଯାଇଥିଲେ । ପୂର୍ବରୁ ଯୋଜନା ମୁତାବକ ଲଟା ବାଛି ଘରକୁ ଫେରୁଥିବା ସମୟରେ ବୃନ୍ଦାବନ ଲକ୍ଷ୍ମୀ ଉପରକୁ ଏକ ଧାରୁଆ ଅସ୍ତ୍ର ସାହାଯ୍ୟରେ ବାରମ୍ବାର ଆକ୍ରମଣ କରିଥିଲା । ଅସ୍ତ୍ରରେ ଆକ୍ରମଣ କରୁଥିବା ଦେଖି ଲକ୍ଷ୍ମୀ ସହିତ ଆସୁଥିବା ସମସ୍ତ ମହିଳା ଦୌଡି ଘରକୁ ପଳାଇ ଯାଇଥିଲେ । ଆକ୍ରମଣ ଦ୍ୱାରା ଲକ୍ଷ୍ମୀର ଡାହାଣ ହାତରେ ଭଗୀର ଆଘାତ ହୋଇଥିବା, ବେଳେ ବାମ ହାତ, ଛାତି, ପିଠି ଆଦି ଶରୀରର ୮ ରୁ ୧୦ ସ୍ଥାନରେ ଗଭୀର ଆଘାତ ହୋଇଥିଲା । ଘଟଣା ସ୍ଥଳରୁ ବୃନ୍ଦାବନ ଫେରାର ହୋଇଥିବା ବେଳେ ଲକ୍ଷ୍ମୀକୁ ଗ୍ରମାବସୀ ଓ ପରିବାରବର୍ଗ ଉଦ୍ଧାର କରି ପ୍ରଥମେ ପାଟଣାଗଡ଼ ଡାକ୍ତରଖାନାକୁ ଆଣି ଚିକିତ୍ସା କରିଥିବା ବେଳେ ଗୁରୁତର ଥିବା ଦର୍ଶାଇ ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରା ଯାଇଥିବା ଜଣାପଡିଛି । ଏ ସମ୍ପର୍କରେ ପାଟଣାଗଡ଼ ଥାନା ଅଧିକାରୀ ବାରିଣୀ ଦାଶଙ୍କୁ ପଚରାଯିବାରୁ ପୁଲିସ ପାଖରେ କୌଣସି ସୂଚନା ନ ଥିବା କହିଥିଲେ ।