ବାଲେଶ୍ବର: ପ୍ରତାପପୁର ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରୁ ଟିକା ପାଇଁ ଲାଂଚ କାରବାରର ଭିଡିଓ ଭାଇରାଲ୍
ବାଲେଶ୍ବର: କୋଭିଡ ଟିକା ପାଇଁ ଲାଂଚ କାରବାର । ମୋବାଇଲରୁ ମୋବାଇଲ ଘୂରି ବୁଲୁଛି କରୋନା ଟିକା ପାଇଁ ଲାଂଚ କାରବାରର ଭିଡିଓ । ବାଲେଶ୍ୱର ବାଲିଆପାଳ ବ୍ଲକ ପ୍ରତାପପୁର ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଟିକା ନେବା ପାଇଁ ଲାଂଚ ନିଆ ଯାଉଥିବା ଦେଖିବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ଜଣେ ଠିକା ସଂସ୍ଥାର ଚତୁର୍ଥ ଶ୍ରେଣୀ କର୍ମଚାରୀ ଟଙ୍କା ନେଉଛନ୍ତି ଆଉ ଗୋଟିଏ କାଗଜରେ ମୋବାଇଲ ନମ୍ବର ଅଉ କାହା ନାମରେ ଟିକା ଦିଆଯିବ ବୋଲି ପଚାରି ଲେଖି ରଖୁଛନ୍ତି । ସରକାର ଅବଶ୍ୟକ ଟିକା ଯୋଗାଇ ପାରୁନଥିବାରୁ ସ୍ୱାସ୍ଥ୍ୟ କେନ୍ଦ୍ରମାନଙ୍କରେ ପର୍ଯ୍ୟାପ୍ତ ପରିମାଣରେ ଟିକା ଉପଲବ୍ଧ ହୋଇ ପାରୁନାହିଁ । ଫଳରେ ଟିକା ନେବା ପାଇଁ ଡାକ୍ତରଖାନା ଆଗରେ ଲୋକଙ୍କ ଭିଡ ହେଉଛି ଆଉ ଏହାର ଫାଇଦା ଉଠାଉଛନ୍ତି ଅସାଧୁ ଅଧିକାରୀ । ଅର୍ଥ ଲୋଭରେ ପଡି ସରକାରଙ୍କ ସବୁ ନିୟମକୁ ଫୁ କରି ଉଡାଇ ଦେଉଛନ୍ତି । ଲୋକଙ୍କଠାରୁ ଅର୍ଥ ଶୋଷଣ କରୁଛନ୍ତି ।
ଯିଏ ଲାଂଚ ଦେବ ସିଏ ଟିକା ପାଇବ, ଯିଏ ଲାଂଚ ନ ଦେଇ ପାରିବ ସିଏ ଘଂଟା ଘଂଟା ଧରି ଧାଡିରେ ଠିଆ ହୋଇ ଟିକା ନପାଇ ଶେଷରେ ଘରକୁ ଫେରୁଥିବା ଅଭିଯୋଗ ହୋଇଛି । ସେପଟେ ଏ ସମ୍ପର୍କରେ ବାଲିଆପାଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଭାରପ୍ରାପ୍ତ ଅଧିକାରୀ ନିଉଶ୍ରୀ ପାଣି କହିଛନ୍ତି, ଘଟଣାର ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ ।