ଭୁଜାଲି ଦେଖାଇ ହାତଗୋଡ଼ ବାନ୍ଧି ଘରେ କଳାକନା ବୁଲାଇଲେ ଦୁର୍ବୃତ୍ତ
ସୋର: ସୋର ଥାନା ସାଜନପୁର ପଞ୍ଚାୟତ ଅଙ୍କବ୍ରହ୍ମପୁର ଗ୍ରାମର ମନୋଜ ନାୟକଙ୍କ ଘରୁ ଗତକାଲି ବିଳମ୍ବିତ ରାତିରେ ଲକ୍ଷାଧିକ ଟଙ୍କାର ସୁନାଗହଣା ଓ ନଗଦ ଟଙ୍କା ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି। ଅଭିଯୋଗ ମୁତାବକ ମନୋଜଙ୍କ ପରିବାର ଲୋକେ ଖାଇପିଇ ଶୋଇବାକୁ ଯାଇଥିଲେ। କିନ୍ତୁ ବିଳମ୍ବିତ ରାତିରେ ୫ ରୁ ୬ ଜଣ ଦୁର୍ବୃତ୍ତ ଘର ଗ୍ରିଲ ଭାଙ୍ଗି ଘର ଭିତରକୁ ପଶିବା ସହିତ ମନୋଜଙ୍କ ବେକରେ ଭୁଜାଲି ଲଗାଇ ପରିବାର ଲୋକଙ୍କୁ ଭୟଭୀତ କରାଇଥିଲେ।
Sambad is now on WhatsApp
Join and get latest news updates delivered to you via WhatsApp
ପରେ ପରିବାର ଲୋକ ଓ ମନୋଜଙ୍କ ହାତଗୋଡ଼ ବାନ୍ଧି ଘର ଭିତରେ ଥିବା ଗଡରେଜରୁ ତିନି ଭରି ସୁନା ଓ ନଗଦ ୩୦ ହଜାର ଟଙ୍କା ଲୁଟି ନେଇଥିଲେ। ଆଜି ସକାଳେ ମନୋଜଙ୍କ ପରିବାର ତରଫରୁ ସୋର ଥାନାରେ ଲିଖିତ ଅଭିଯୋଗ ହେବା ପରେ ସୋର ପୁଲିସ ଘଟଣାର ତଦନ୍ତ ଆରମ୍ଭ କରିଛନ୍ତି।