ପାଇକମାଳ : ଅଜଣା ଗାଡି ଧକ୍କାରେ ୩ ବାରହା ମୃତ
ପାଇକମାଳ : ପାଇକମାଳ ବ୍ଲକର ରସମୁଣ୍ଡା ଗ୍ରାମ ନିକଟରେ ଗୁରବାର ଭୋର ୪ଟା ସମୟରେ ଏକ ଅଜଣା ଗାଡି ଧକ୍କାରେ ତିନୋଟି ବାରହାର ମୃତ୍ୟୁ ହୋଇଥିବା ଜଣା ପଡ଼ିଛି । ନୃସିଂହନାଥ ଫରେଷ୍ଟ ରେଞ୍ଜର ଗିରିଧାରୀ ପ୍ରଧାନଙ୍କ କହିବାନୁଯାୟୀ ଗତକାଲି ବିଳମ୍ବିତ ରାତିରେ ବାରାହାମାନେ ରାସ୍ତା ଅତିକ୍ରମ କରିଥିବା ସମୟରେ ଏହି ଦୁର୍ଘଟଣା ଘଟିଥାଇପାରେ ।
Sambad is now on WhatsApp
Join and get latest news updates delivered to you via WhatsApp
ଦୁଇଟି ବାରହା ଗାଡି ଧକ୍କାରେ ସମ୍ପୂର୍ଣ୍ଣ ଭାବରେ ରାସ୍ତାରେ ପେଷି ହୋଇଯାଇଥିବା ବେଳେ ବହୁ ଖୋଜାଖୋଜି କରିବା ପରେ ଅନ୍ୟ ଗୋଟିଏ ବାରାହାର ଖଣ୍ଡିତ ମୃତଦେହ ବନ ବିଭାଗ ତରଫରୁ ଉଦ୍ଧାର କରାଯାଇଛି । ଘଟଣା ସ୍ଥଳରେ ନୃସିଂହନାଥ ରେଞ୍ଜ ଓ ପାଇକମାଳ ରେଞ୍ଜର କର୍ମଚାରୀମାନେ ଉପସ୍ଥିତ ରହି ତଦନ୍ତ କରୁଛନ୍ତି। ମୃତଦେହ ଗୁଡିକୁ ବ୍ୟବଚ୍ଛେଦ ପାଇଁ ପାଇକମାଳ ପ୍ରାଣୀଧନ କେନ୍ଦ୍ରକୁ ପଠେଇ ବ୍ୟବଛେଦ ପରେ ନୃସିଂହନାଥ ରେଞ୍ଜ ଅଫିସ ପରିସରରେ ପୋତିଦିଆଯାଇଛି ବୋଲି ରେଞ୍ଜର ଶ୍ରୀ ପ୍ରଧାନ ସୂଚନା ଦେଇଛନ୍ତି ।