କନ୍ଧମାଳ/ବରଗଡ଼: ରାଜ୍ୟର ଦୁଇଟି ଭିନ୍ନ ଜିଲ୍ଳାରେ ଦୁଇଟି ମର୍ମନ୍ତୁଦ ଦୁର୍ଘଟଣା ଘଟିଯାଇଛି। ବିବାହ ଭୋଜି ଖାଇ ଫେରିବା ବେଳେ ଓ ବରଯାତ୍ରୀ ଯାଇ ଫେରିବା ବାଟରେ ଏହି ଦୁଇ ଦୁର୍ଘଟଣା ଘଟିଥିବା ଜାଣିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ଅନ୍ତର୍ଗତ ଲଣ୍ଡାଗାଁଠାରେ ଗତକାଲି ରାତିରେ ଏକ ଦୁଃଖଦ ଘଟଣା ଘଟିଯାଇଛି । ବିବାହ ଭୋଜି ସାରି ଫେରିବା ବାଟରେ ଏକ କାରଟି ଭାରସାମ୍ୟ ହରାଇ ଜଣକ ଘର ଉପରକୁ ଚଢ଼ି ଯାଇଥିଲା । ଫଳରେ ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଛି । ତେବେ ଡ୍ରାଇଭର ଫେରାର ଥିବାବେଳେ ଅନ୍ୟ ଜଣକୁ ଅଟକ ରଖିଛନ୍ତି ଗାଁ ଲୋକେ ।
ସେପଟେ ବରଯାତ୍ରା ହେଲା ଶେଷ ଯାତ୍ରା । ବରଯାତ୍ରୀ ଯାଇ ଆନନ୍ଦ ଉଲ୍ଲାସରେ ଫେରିଲା ବାଟରେ ବରଗଡ଼ରେ ଘଟିଛି ଏକ ମର୍ମନ୍ତୁଦ ସଡକ ଦୁର୍ଘଟଣା । ଘଟଣାସ୍ଥଳରେ ହିଁ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ୧୭ ଜଣ ଗୁରୁତର ଭାବେ ବୁର୍ଲା ମେଡିକାଲରେ ଚିକିତ୍ସିତ ହେଉଛନ୍ତି । ବରଗଡ଼ ଗୋବିନ୍ଦପାଲି ଅଞ୍ଚଳରୁ ବିଜେପୁର ଚମାରପଡ଼ାକୁ ଏକ ବାହାଘର ବରଯାତ୍ରୀ ଯାଇଥିଲେ। ସେଠାରୁ ଏକ ଗାଡ଼ିରେ ବରଗଡ଼କୁ ଫେରୁଥିବା ସମୟରେ ଗାଡିଟି ବିଜେପୁର ସ୍ୱର୍ଣ୍ଣ ଛକରେ ଭାରସ୍ୟାମ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା । ଘଟଣାସ୍ଥଳରେ ହିଁ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟମାନେ ଗୁରୁତର ଅବସ୍ଥାରେ ବୁର୍ଲା ମେଡିକାଲରେ ଚିକିତ୍ସିତ ହେଉଛନ୍ତି । ଏହି ଦୁର୍ଘଟଣାଟି ଭୋର ୪ଟାରୁ ହୋଇଥିଲା । ସ୍ଥାନୀୟ ଲୋକେ ଆହତମାନଙ୍କୁ ତୁରନ୍ତ ଉଦ୍ଧାର କରି ପ୍ରଥମେ ବରଗଡ଼ ଓ ପରେ ବୁର୍ଲା ମେଡ଼ିକାଲକୁ ସ୍ଥାନାନ୍ତର କରିଛନ୍ତି।