ମାଓପ୍ରବଣ ଅଞ୍ଚଳରେ ପାଦେ ପାଦେ ରହିଥାଏ ବିପଦ; ତଥାପି ଜୀବନକୁ ବାଜି ଲଗାଇ ଲୋକଙ୍କ ଅସୁବିଧା ବୁଝିବାକୁ ଯାଇ ପହଞ୍ଚିଥିଲେ ମହିଳା ବିଡିଓ
କଳାହାଣ୍ଡି: କଳାହାଣ୍ଡି ଜିଲ୍ଲାର ଅପହଞ୍ଚ ଆଦିବାସୀ ଅଞ୍ଚଳର ବିକାଶ କରିବାକୁ ପଣ କରିଥିବା ମହିଳା ବିଡିଓ ନିଜ ଜୀବନକୁ ବାଜି ଲଗାଇ ଲୋକଙ୍କ ସମସ୍ୟା ବୁଝି ଥାଆନ୍ତି ଏବଂ ତାହାକୁ ସମାଧାନ ମଧ୍ୟ କରି ଥାଆନ୍ତି। ଅପହଞ୍ଚ ଅଞ୍ଚଳରେ ପହଞ୍ଚି ଲୋକଙ୍କ ଅସୁବିଧା ବୁଝୁଥିବା ମଦନପୁର ରାମପୁର ବିଡିଓ ରୁମନା ଜାଫ୍ରିଙ୍କ ଏଭଳି ପ୍ରୟାସକୁ ସମସ୍ତେ ଭୁରି ଭୁରି ପ୍ରଶଂସା କରୁଛନ୍ତି।
Sambad is now on WhatsApp
Join and get latest news updates delivered to you via WhatsApp
କେମିତି ଅଛନ୍ତି ଅପହଞ୍ଚ ଇଲାକାର ଲୋକେ ? କେମିତି ଚଳୁଛନ୍ତି ନଈ ଆରପଟେ ଜୀବନ ବିତାଉଥିବା ଆଦିବାସୀ ଲୋକେ? ଲୋକଙ୍କୁ ମୌଳିକ ସୁବିଧା ମିଳୁଛି ନା ଗାଁରେ ବିକାଶ ପହଞ୍ଚିବାରେ କେଉଁଠି ବାଧା ସୃଷ୍ଟି ହେଉଛି ? ଏ ସବୁ ପ୍ରଶ୍ନର ଉତ୍ତର ପାଇବାକୁ ନଈ ପାରି ହୋଇ ଲୋକଙ୍କ ପାଖରେ ପହଞ୍ଚିଥିଲେ ବିଡିଓ । ବଣ ପାହାଡ, ଜଙ୍ଗଲିଆ ରାସ୍ତା ଆଉ ବିପଦପୂର୍ଣ୍ଣ ନଈରେ ପଶି ନାଗଝରୀ ଗାଁ ଲୋକଙ୍କ ଗୁହାରୀ ଶୁଣିଛନ୍ତି ବିଡିଓ ।
ଭବାନୀପାଟଣା ସହର ଠାରୁ ୫୦ କିଲୋମିଟର ଦୂରରେ ଥିବା ଉର୍ଲାଦାନୀ ନାଗଝରୀ ଗାଁରେ ବିଡିଓ ଯାଇ ପହଞ୍ଚିଲେ । ଗ୍ରାମସଭା କରି ଗାଁ ଲୋକଙ୍କ ଗୋଟିଗୋଟି ସମସ୍ୟା ବୁଝିଥିଲେ, ଆଉ ଏସବୁ ସମସ୍ୟାର ସମାଧାନ କରିବାକୁ ପ୍ରତିଶ୍ରୁତି ମଧ୍ୟ ଦେଇଥିଲେ ।
BDO Mrampur ma’am attended gram sabha in an inaccessible Nagjhari village of Urladani, Mrampur and trying to bring them into mainstream. Salute her dedication towards service of others. 🙏 @DmKalahandi @CMO_Odisha@SujeetKOfficial @spkalahandi pic.twitter.com/bCRiwyQdi0
— ABINASH THAKUR (@AbinashThkr) October 20, 2019
ତେବେ ନାଗଝରୀ ଗାଁ ମାଓପ୍ରବଣ ଅଞ୍ଚଳ ହୋଇଥିବାରୁ ଗସ୍ତ ବେଳେ ପାଦେ ପାଦେ ବିପଦ ରହିଥିଲା। ମାତ୍ର ଆଦିବାସୀଙ୍କ ବିକାଶ ଓ ସେବାକୁ ମୂଳମନ୍ତ୍ର ଭାବିଥିବା ବିଡିଓ ସେସବୁକୁ ବେଖାତିର କରି ଲୋକଙ୍କ ପାଖରେ ଯାଇ ପହଞ୍ଚିଥିଲେ । ଖାଲି ନାଗଝରୀ ଗାଁକୁ କାହିଁକି ପୂର୍ବରୁ ବଣ ପାହାଡ ଡେଇଁ ଏମିତି ଅନେକ ଗାଁକୁ ମଧ୍ୟ ଗସ୍ତ କରିଛନ୍ତି ବିଡିଓ ରୁମନା ଜାଫ୍ରି।