ଭଦ୍ରକ: କାର୍‌ ସହ ଅଟୋ ମୁହାଁମୁହିଁ ଧକ୍କା, ୧ ମୃତ

ଭଦ୍ରକ: କାର ଅଟୋ ମଧ୍ୟରେ ମୁହାଁମୁହିଁ ଧକ୍କା, ଜଣେ ମୃତ। ଭଣ୍ଡାରିପୋଖରୀ ବ୍ଲକ ଅନ୍ତର୍ଗତ ୧୬ନ ଜାତୀୟ ରାଜପଥର ଆଖୁଆପଦା ହରପାର୍ଵତୀ ମନ୍ଦିର ସମ୍ମୁଖରେ ଅଟୋ ସହିତ ହୁଣ୍ଡାଇ କାର ମୁହାଁମୁହିଁ ଧକ୍କା ଫଳରେ ଘଟଣାସ୍ଥଳରେ ଅଟୋ ଚାଳକଙ୍କର ମୃତ୍ୟୁ ହୋଇଥିବା ବେଳେ ଅଟୋରେ ଥିବା ଜଣେ ଯାତ୍ରୀ ଗୁରୁତର ଆହତ ହୋଇଛନ୍ତି।

ଅନ୍ୟପକ୍ଷରେ କାରରେ ଥିବା ଲୋକଙ୍କ ମଧ୍ୟରୁ ଦୁଇଜଣ ଆହତ ହୋଇଛନ୍ତି। କାରଟି ଭଦ୍ରକରୁ କଟକ ଅଭିମୁଖେ ଯାଉଥିବା ବେଳେ ଅଟୋଟି କୁଆଖିଆରୁ ଭଦ୍ରକ ଆସୁଥିଲା। ଆଖୁଆପଦାଠାରେ ମୁହାଁମୁହିଁ ଧକ୍କା ହୋଇଥିଲା। ଫଳରେ ରାସ୍ତାରେ ଯାଉଥିବା ଗାଡ଼ିଗୁଡିକ ଅଟକି ରହିଥିଲା। ଭଣ୍ଡାରିପୋଖରୀ ପୁଲିସ ଘଟଣାସ୍ଥଳରେ ପହଁଚି ପରିସ୍ଥିତିକୁ ଶାନ୍ତ ରଖିବା ସହ ଆହତମାନଙ୍କୁ ଭଣ୍ଡାରିପୋଖରୀ ଡାକ୍ତରଖାନାରେ ଭର୍ତ୍ତି କରାଇଛି।