ଭଦ୍ରକ: ଭଦ୍ରକ ଜିଲ୍ଲାରେ ପ୍ରସ୍ତାବିତ ବୟନ ଓ ବସ୍ତ୍ରଶିଳ୍ପ ସ୍ଥାପନା ଲାଗି ରାଜ୍ୟ ସରକାରଙ୍କ ଜମି ଯୋଗାଣରେ ବିଳମ୍ବ ଓ ଅସହଯୋଗ ଅଭିଯୋଗ କରି ସୋମବାର ସକାଳ ୬ ଟାରୁ ମଧ୍ୟହ୍ନ ୧୨ଟା ଯାଏଁ ୬ ଘଣ୍ଟିଆ ଭଦ୍ରକ ବନ୍ଦ ଡାକରା ଦେଇଛି ଭାରତୀୟ ଜନତା ପାର୍ଟି।
Sambad is now on WhatsApp
Join and get latest news updates delivered to you via WhatsApp
ବୟନ ଶିଳ୍ପ ଲାଗି ୭୫ ଏକର ଜମି ଯୋଗାଇବା ଦାବି କରି ଜିଲ୍ଲାର ୭ଟି ବ୍ଲକ୍ରେ ସକାଳ ୬ଟା ବେଳେ ସ୍ଥାନୀୟ ବିଜେପି ନେତା ଓ କର୍ମୀମାନେ ଦଳ ଦଳ ହୋଇ ବ୍ୟାନର ଓ ପତାକା ଧରି ବିଭିନ୍ନ ସ୍ଥାନରେ ବିକ୍ଷୋଭ ଆରମ୍ଭ କରିଛନ୍ତି।
ସେମାନେ ଭଦ୍ରକ ରେଳଷ୍ଟେସନ୍ରେ ଡିଏମ୍ୟୁ ଟ୍ରେନ୍, ବସ୍ଷ୍ଟାଣ୍ଡ୍ରୁ ଯାତାୟାତ କରୁଥିବା ବସ୍ ଅଟକାଇବା ସହ ୧୬ ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି। କେତେକ ବିକ୍ଷୋଭକାରୀ ଜିଲ୍ଲାପାଳ ଓ ଉପଜିଲ୍ଲାପାଳଙ୍କ କାର୍ଯ୍ୟାଳୟ ଓ କୋର୍ଟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରୁଛନ୍ତି। ଜିଲ୍ଲାର ସମସ୍ତ ଶିକ୍ଷାନୁଷ୍ଠାନ, ସରକାରୀ ଅଫିସ୍, ବଜାରଘାଟ ଆଦି ବନ୍ଦ ରହିଛି।