ଭଦ୍ରକ: ଦିନେ ପୁଅର କାନ୍ଦ ଶୁଣି ରହି ପାରୁ ନ ଥିଲା ମାଆ । କୁନି ପୁଅ ରାହା ଛାଡି କାନ୍ଦିଲେ ସବୁ କାମ ଛାଡି ଧାଇଁ ଆସୁଥିଲା ମାଆ । ହେଲେ ଆଜି, ମାଆର ବୁକୁଫଟା ଚିତ୍କାର ଶୁଣି ପାରୁନି ପୁଅ । ବାହୁନି ବାହୁନି ଯେତେ କାନ୍ଦିଲେ ବି ଜମା ଫେରୁନି ପୁଅ… କାରଣ ତା ପୁଅ ସବୁଦିନ ପାଇଁ ଶୋଇଯାଇଛି… ଚାକିରି କରିବାକୁ ଯାଇଛି ଅଧା ରାସ୍ତାରେ ରହିଯାଇଛି ପୁଅ ରାଜେନ୍ଦ୍ର…।
Sambad is now on WhatsApp
Join and get latest news updates delivered to you via WhatsApp
ଚାକିରିରେ ଯୋଗ ଦେବା ପୂର୍ବରୁ ଚାଲିଯାଇଛି ଜୀବନ । ନୂଆ ଚାକିରିରେ ଯୋଗ ଦେବାକୁ ଯାଉଥିବା ବେଳେ ଅଧା ବାଟରେ ଲିଭିଯାଇଛି ଜୀବନ ଦୀପ । ଭଦ୍ରକ ଦୋଳସାହି ଶାସନର ରାଜେନ୍ଦ୍ର ସାହୁଙ୍କ ଆକସ୍ମିକ ମୃତ୍ୟୁ ପରେ ଅବାକ ହୋଇଛନ୍ତି ବାପା । ଭାଙ୍ଗି ପଡିଛି ପୂରା ପରିବାର । ପୁଅର ମୃତ୍ୟୁ ଖବର ପରିବାରର ପାଦ ତଳୁ ମାଟି ଖସାଇଦେଇଥିବା ବେଳେ ସ୍ଥାନୀୟ ଅଞ୍ଚଳରେ ଖେଳାଇ ଦେଇଛି ଶୋକର ଛାୟା ।
ଢେଙ୍କାନାଳରେ ଜିଓ କମ୍ପାନୀରେ ଆସିଷ୍ଟାଣ୍ଡ ମ୍ୟାନେଜର ଭାବେ ଯୋଗ ଦେବାକୁ ଗୁରୁବାର ଭୋରରୁ ଭୋରରୁ ଘରୁ ବାହାରି ଯାଇଥିଲେ ରାଜେନ୍ଦ୍ର । ମନ୍ଦିରରେ ମୁଣ୍ଡିଆ ମାରି ନିଜ ସାଙ୍ଗ ସହ ଯିବା ସମୟରେ ଘରଠୁ କିଛି ଦୂର ଯାଇଥିବା ବେଳେ ଏକ ଟ୍ରକ ସହ ଧକ୍କା ହୋଇଥିଲା ।
ତେବେ କୁହୁଡି ପାଇଁ କିଛି ଦିଶୁ ନ ଥିବାରୁ ଦୁଇ ସାଙ୍ଗଙ୍କ ଉପରେ ଚଢିଯାଇଥିଲା ଟ୍ରକ । ଦୁର୍ଘଟଣା ପରେ ଘଟଣାସ୍ଥଳରେ ରାଜେନ୍ଦ୍ରଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ସାଙ୍ଗ ନିରଞ୍ଜନ ଗୁରୁତର ହୋଇଥିଲେ । ତେବେ ଚାକିରି କରି ପରିବାରର ଦୁଃଖ ଦୂର କରିବାକୁ ସ୍ୱପ୍ନ ଦେଖିଥିବା ରାଜେନ୍ଦ୍ର ସବୁଦିନ ପାଇଁ ପରିବାର ଠାରୁ ଦୂରେଇ ଯିବା ପରେ ଗାଁ ମଶାଣିରେ କରାଯାଇଛି ଦାହ ସଂସ୍କାର ।