ଭଦ୍ରକ: ଶୋଇଥିବା ବେଳେ ଘରେ ଲାଗିଗଲା ନିଆଁ, ଜଳିଗଲା ୯ ବଖରା ଘର
ଭଦ୍ରକ: ରାତିରେ ଘରେ ଲାଗିଲା ନିଆଁ । ଜଳିଗଲା ୯ ବଖରା ଘର । ଭଦ୍ରକ ଜିଲ୍ଲା ସାହାଡ଼ା ପଞ୍ଚାୟତ ସମିଆ ସାହାଡ଼ା ଗାଁରେ ଗତକାଲି ବିଳମ୍ବିତ ରାତିରେ ଏକ ଅଗ୍ନିକାଣ୍ଡ ଘଟିଛି । ଏଥିରେ ଧାନ, ଚାଉଳ ସମେତ ଲକ୍ଷାଧିକ ଟଙ୍କାର ଆସବାପତ୍ର ପୋଡ଼ି ପାଉଁଶ ହୋଇଯାଇଛି । ରାତିରେ ସମସ୍ତେ ଶୋଇଥିବା ବେଳେ ଘରେ ନିଆଁ ଲାଗିଥିଲା ।
Sambad is now on WhatsApp
Join and get latest news updates delivered to you via WhatsApp
ଚାହୁଁ ଚାହୁଁ ନିଆଁରେ ଚାଲିଗଲା ୪ଟି ପରିବାରର ୯ ବଖରା ଘର । ବର୍ଷ ବର୍ଷର ସାଇତା ସମ୍ପତ୍ତି ଆଖି ଆଗରେ ଜଳି ଛାରଖାର ହୋଇଗଲା । ତେବେ ଏହି ଅଗ୍ନିକାଣ୍ଡରେ କେହି ମୃତାହତ ହୋଇ ନାହାନ୍ତି । ଘଟଣାସ୍ଥଳରେ ଭଦ୍ରକରୁ ଅଗ୍ନିଶମ ବାହିନୀ ଟମ୍ ପହଞ୍ଚି ନିଆଁକୁ ଆୟତ୍ତ କରିଥିଲେ । ସର୍ଟ ସର୍କିଟରୁ ନିଆଁ ଲାଗିଥିବା କୁହାଯାଉଛି । ଭଦ୍ରକ ବ୍ଲକ୍ ଅଧ୍ୟକ୍ଷ ଅଗ୍ନି ବିପନ୍ନଙ୍କ ପରିବାରକୁ ଭେଟିଥିବା ସୂଚନା ରହିଛି।