ଭଦ୍ରକ: ଭଦ୍ରକର  ଜଗନ୍ନାଥପୁର ଅଞ୍ଚଳରେ ଜଣେ ନାବାଳିକା ନିଜ ଘରେ ବେକରେ ଦଉଡ଼ି ଲଦେଇ ଆତ୍ମହତ୍ୟା କରିଛନ୍ତି। ଆଜି ସକାଳୁ ଘର ଲୋକ ଏ ସମ୍ପର୍କରେ ଜାଣିବା ପରେ ଭଦ୍ରକ ଟାଉନ୍ ଥାନାରେ ଲିଖିତ ଅଭିଯୋଗ କରିଛନ୍ତି। ଟାଉନ୍ ପୁଲିସ ଖବର ପାଇବା ପରେ ଘଟଣାସ୍ଥାଳକୁ ଯାଇ ପୁଲିସ ଓ ମାଜିଷ୍ଟ୍ରେଟଙ୍କ ଉପସ୍ଥିତି ଝୁଲନ୍ତା ଅବସ୍ଥାରେ ନାବାଳିକାଙ୍କ ଶବ ଉଦ୍ଧାର କରିଥିଲେ। ଶବ ଉଦ୍ଧାର ପରେ ଶବ ବ୍ୟବଚ୍ଛେଦ ପାଇଁ ଭଦ୍ରକ ମେଡ଼ିକାଲକୁ ପଠାଇଥିଲେ।

Advertisment

ଭଦ୍ରକ ମେଡ଼ିକାଲରେ ନାବାଳିକା ଶବ ବ୍ୟବଚ୍ଛେଦ କରାଯାଇଥିବାବେଳେ ଶବକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। କେଉଁ ପରିସ୍ଥିତିରେ ଓ କାହିଁକି ନାବାଳିକା ଆତ୍ମହତ୍ୟା କରିଛନ୍ତି। ସେ ସମ୍ପର୍କରେ ଟାଉନ୍ ପୁଲିସ ପରିବାର ଲୋକଙ୍କୁ ପଚରାଉଚରା କରିବା ସହ ଘଟଣାର ତଦନ୍ତ କରୁଛି। ଏହି ଘଟଣା ସଂପର୍କରେ ଟାଉନ୍ ଥାନାରେ ପୁଲିସ ପକ୍ଷରୁ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି।