ଗଛରେ ପିଟିହୋଇ ବାଇକ୍‌ ଆରୋହୀ ମୃତ

ସଇନ୍ତଳା: ବଲାଙ୍ଗୀର ଜିଲ୍ଲା ସଇନ୍ତଳା ଥାନା ଡେଙ୍ଗ ଗାଁ ନିକଟରେ ସୋମବାର ରାସ୍ତାକଡ଼ର ଏକ ଗଛରେ ପିଟିହୋଇ ବାଇକ୍‌ ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ବାଇକ୍‌ ଆରୋହୀ କମରଲଗା ଗାଁର ସୁରେଶ ମାଝୀ (୨୮ବର୍ଷ)ଙ୍କ ମୃତ୍ୟୁ ଘଟିଛି।

ପୁଲିସର ସୂଚନା ଅନୁସାରେ, ସୁରେଶ କୌଣସି କାମରେ ସୋମବାର ସନ୍ଧ୍ୟା ପ୍ରାୟ ସାଢ଼େ ୭ଟାରେ ବାଇକ୍‌ ଯୋଗେ ସଇନ୍ତଳାକୁ ଆସୁଥିଲେ। ଡେଙ୍ଗ ଗ୍ରାମ ନିକଟରେ ବାଇକ୍‌ଟି ଭାରସାମ୍ୟ ହରାଇ ଏକ ଗଛରେ ପିଟି ହୋଇଥିଲା। ଗୁରୁତର ଅବସ୍ଥାରେ ତାଙ୍କୁ ଗାଁର କିଛି ଲୋକ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ। ସେଠାରେ ଉପସ୍ଥିତ ଡାକ୍ତର ତାଙ୍କୁ ମୃତ ଘୋଷଣା କରି ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ଶବ ଜବତ କରିବା ସହ ଅଧିକ ତଦନ୍ତ ଜାରି ରଖିଛି।