ଦୁଇ ଚୋରି ବାଇକ୍‌ ଉଦ୍ଧାର, ଅଭିଯୁକ୍ତ ଗିରଫ

ପାଟଣାଗଡ଼: ପାଟଣାଗଡ଼ ଥାନା ପୁଲିସ ଦୁଇ ଚୋରି ବାଇକ୍‌ ଉଦ୍ଧାର କରିବା ସହ ଅଭିଯୁକ୍ତ ବେଲପଡ଼ା ବ୍ଲକ୍‌ ସରମୁହାଣ ଗାଁଣ ମିଳନ ସାହୁକୁ ଗିରଫ କରିଛି। ପୁଲିସର ସୂଚନା ଅନୁସାରେ, ପାଟଣାଗଡ଼ ବ୍ଲକ୍‌ ବଗଲାବନ୍ଧ ଗାଁର ମନୋରଞ୍ଜନ ମେହେର ଘର ଗ୍ୟାରେଜରେ ତାଙ୍କ ବାଇକ୍‌ (ଓଡି ୨୬ ଡି ୩୩୦୪) ରଖିଥିଲେ।

ତାହା ‌ଚୋରି ହୋଇଥିବା ରବିବାର ସକାଳୁ ଜାଣିପାରି ଥାନାରେ ଅଭିଯୋଗ କରିଥିଲେ। ପୁଲିସ ତଦନ୍ତ କରି ସରମୁହାଣ ଗାଁର ମିଳନ ସାହୁ ପାଖରୁ ଉକ୍ତ ବାଇକ୍‌ ସହ ଅନ୍ୟ ଏକ ବାଇକ୍‌ (ଓଆର୍‌ ୦୩ ସି ୯୦୭୬)କୁ ଉଦ୍ଧାର କରିଥିଲା। ଅଭିଯୁକ୍ତ ମିଳନକୁ କୋର୍ଟଚାଲାଣ କରାଯାଇଥିଲା। ଜାମିନ ନାମଞ୍ଜୁର ହେବାରୁ ତାକୁ ବିଚାର ବିଭାଗୀୟ ଜେଲ୍‌ ହାଜତକୁ ପଠାଇ ଦିଆଯାଇଥିଲା। ଏନେଇ ଏକ ସାମ୍ବାଦିକ ସମ୍ମଳିଳନୀରେ ପାଟଣାଗଡ଼ ଏସ୍‌ଡିପିଓ ଜ୍ୟୋତିର୍ମୟ ଭୁକ୍ତା ସୂଚନା ଦେଇଛନ୍ତି।