ବାଲେଶ୍ୱର: ପୂରା ଦେଶରେ ମଙ୍ଗଳବାର ଭଗବାନ ବିଶ୍ୱକର୍ମାଙ୍କୁ ପୂଜାର୍ଚ୍ଚନା କରାଯାଇଛି। ଏହି କ୍ରମରେ ବାଲେଶ୍ୱରରେ ମଧ୍ୟ ଆଜି ବିଭିନ୍ନ ଅନୁଷ୍ଠାନ ତରଫରୁ ବିଶ୍ୱକର୍ମାଙ୍କୁ ପୂଜା କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ପୂଜାକୁ ଆକର୍ଷଣୀୟ କରିବା ପାଇଁ ବିଭିନ୍ନ ଶିଳ୍ପ ସଂସ୍ଥାମାନେ ଆକର୍ଷଣୀୟ ଭାବେ ସାଜସଜ୍ଜା କରିଛନ୍ତି। ବାଲେଶ୍ୱର ଘରୋଇ ବସ ମାଲିକ ପାରଂପରିକ ବାଦ୍ୟକୁ ସାଂକେତିକ ଭାବେ ତୋରଣରେ ରଖିଛି। ପୂଜାରେ ଅନ୍ୟାନ୍ୟ ପୌରାଣିକ କିମ୍ବଦନ୍ତୀକୁ ମଧ୍ୟ ଉପସ୍ଥାପନ କରାଯାଇଛି।
କେଉଁଠି ବିଶ୍ୱକର୍ମାଙ୍କ ଆକର୍ଷଣୀୟ ମୂର୍ତ୍ତି ପ୍ରତିଷ୍ଠା କରି ପୂଜାର୍ଚ୍ଚନା କରାଯାଉଛି ତ କେଉଁଠି ତୋରଣକୁ ଗୁରୁତ୍ୱ ଦିଆଯାଇଛି। ସହରରେ ପ୍ରାୟ ଶତାଧିକ ସ୍ଥାନରେ ବିଶ୍ୱକର୍ମାଙ୍କୁ ପୂଜାର୍ଚ୍ଚନା କରାଯାଉଛି।
ବାଲେଶ୍ୱର ଶିଳ୍ପାଂଚଳରେ ମଧ୍ୟ ଆକର୍ଷଣୀୟ ଭାବେ ପୂଜା ପାଳିତ ହୋଇଯାଇଛି। କିଛି ସ୍ଥାନରେ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଉଛି।