ଚନ୍ଦାହାଣ୍ଡି ଜୋନ୍-୨ରୁ ବିଜେଡି ୯୦୩୧ ଭୋଟ୍ ବ୍ୟବଧାନରେ ଜିତିଲା
ଚନ୍ଦାହାଣ୍ଡି: ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଜୋନ-୨ରୁ ବିଜେଡି ପ୍ରାର୍ଥିନୀ କେତକୀମଲ୍ଲୀ ଗୌଡ଼ ତାଙ୍କ ନିକଟତମ ପ୍ରତିଦ୍ୱନ୍ଦ୍ବୀ ବିଜେପିର ଗଜମତି ବାଘଙ୍କ ଠାରୁ ୯୦୩୧ ଖଣ୍ଡ ଅଧିକ ଭୋଟ ପାଇ ବିଜୟୀ ହୋଇଛନ୍ତି । ଜୋନ-୨ରେ ଆଠ ଗୋଟି ଗ୍ରାମ ପଞ୍ଚାୟତ ରହିଥିବା ବେଳେ ୨୨,୪୫୦ ଭୋଟର ମତଦାନ କରିଥିଲେ । ସେଥିମଧ୍ୟରୁ ବିଜେଡି ୧୪,୮୧୫ ଭୋଟ ପାଇଥିବା ବେଳେ ବିଜେପି ୫,୭୮୪ ଏବଂ କଂଗ୍ରେସ ୮୯୪ ଭୋଟ ପାଇଛି ।
Sambad is now on WhatsApp
Join and get latest news updates delivered to you via WhatsApp
ଟିକେଟ ବଣ୍ଟନକୁ ନେଇ ଏହି ଜୋନରେ ବିଜେଡିର ବହୁ ବରିଷ୍ଠ ନେତା ଅସନ୍ତୁଷ୍ଟ ରହିବା ସହ ପଣ୍ଡରା ମାଳି ସମ୍ପ୍ରଦାୟର ଭୋଟ ନିର୍ଣ୍ଣାୟକ ଭୂମିକା ନେବ ବୋଲି ଯେଉ ଚର୍ଚ୍ଚା ହେଉଥିଲା ତାହା ଭୁଲ ପ୍ରମାଣିତ ହୋଇଛି । ସାଂସଦ ରମେଶ ମାଝୀଙ୍କ ପ୍ରତି ପାନାବେଡା ଅଞ୍ଚଳବାସୀଙ୍କ ଅକୁଣ୍ଠ ସମର୍ଥନ ରହିଆସିଛି। ତାହା ପୁଣି ଥରେ ପ୍ରମାଣିତ କରିଛନ୍ତି ଚନ୍ଦାହାଣ୍ଡି ବ୍ଲକର ଭୋଟର।