ଆସନ୍ତାକାଲି ବିଜେପିର ଭଦ୍ରକ ବନ୍ଦ ଲାଗି କମ୍ପିଲା ବିଜେପି ଶୋଭାଯାତ୍ରା
ଭଦ୍ରକ: ରାଜ୍ୟରେ ବିପର୍ଯ୍ୟସ୍ତ ଆଇନଶୃଙ୍ଖଳା ପରିସ୍ଥିତି ଏବଂ ଶିକ୍ଷୟିତ୍ରୀ ମମିତା ମେହେର ହତ୍ୟା ମାମଲାରେ ଦୋଷୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ସହିତ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ଦାବି କରି ଭଦ୍ରକ ବିଜେପି ପକ୍ଷରୁ ଅକ୍ଟୋବର ୩୦ରେ ୬ ଘଣ୍ଟିଆ ଭଦ୍ରକ ଜିଲ୍ଲା ବନ୍ଦ ଡାକରା ଦିଆଯାଇଛି । ଏହି ଅବସରରେ ଆଜି ଅପରାହ୍ନରେ ଭଦ୍ରକ ବିଜେପି ପକ୍ଷରୁ ସହର ବ୍ୟାପି ବାଇକ ଶୋଭାଯାତ୍ରା କରାଯାଇଛି । ଦଳୀୟ କର୍ମୀ ଓ ଶତାଧିକ ଯୁବ ନେତା ଏକ ବାଇକ ଶୋଭାଯାତ୍ରା ନେହେରୁ ଷ୍ଟାଡିୟମ ନିକଟରୁ ବାହାରି ବନ୍ତ ଛକ, ରାଆନ୍ଦିଆ, ଚରମ୍ପା, ବାଇପାସ, ନୂଆବଜାର, କଚେରିବଜାର ଅଞ୍ଚଳ ପରିକ୍ରମା କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଆସନ୍ତାକାଲି ସକାଳ ୬ ଠାରୁ ୧୨ ଟା ପର୍ଯ୍ୟନ୍ତ ଦୋକାନ ବଜାର, ବ୍ୟବସାୟ ପ୍ରତିଷ୍ଠାନ ଏବଂ ଗାଡିମୋଟର ବନ୍ଦ କରିବାକୁ ପ୍ରଚାର କରିଛନ୍ତି । ବିଜେପି କର୍ମୀ ମାନେ ଭାରତ ମାତା କି ଜୟ, ବିଜେପି ଜିନ୍ଦାବାଦ, ବନ୍ଦପାଳନକୁ ସଫଳ କର ଆଦି ସ୍ଲୋଗାନ ଦେଇ ସହର ପରିକ୍ରମା କରିଛନ୍ତି। ଅନ୍ୟପକ୍ଷରେ ବିଜେପିର ଏହି ୬ ଘଣ୍ଟିଆ ବନ୍ଦ ପାଳନକୁ ଦୃଷ୍ଟିରେ ରଖି ସହରରେ ବ୍ୟାପକ ପୁଲିସ ମୃତୟନ କରାଯାଇଛି ।