ସମ୍ବଲପୁର: ଇନ୍ଧନ ଶେଷ ହେବାରୁ ଜରୁରୀ ଅବତରଣ କଲା ବିଜେପି ହେଲିକପ୍ଟର, ବିଜେଡି ସମର୍ଥକଙ୍କ ମହଲରେ ହଇଚଇ

0

ସମ୍ବଲପୁର/ବାମରା: ନିର୍ବାଚନୀ ପ୍ରଚାରରେ ଯାଉଥିବା ବିଜେପିର ଏକ ହେଲିକପ୍ଟର ଗୁରୁବାର ସମ୍ବଲପୁର ଜିଲ୍ଲାର ବାମରା ବ୍ଲକରେ ଜରୁରୀକାଳୀନ ଅବତରଣ କରିଛି। ଏହାକୁ ନେଇ ବିଜେଡି ସମର୍ଥକମାନେ ଛାନିଆ ହୋଇ ଯାଇଛନ୍ତି।

ସୂଚନାଅନୁସାରେ ବାମରା ବ୍ଲକର ମନାପାଲି ନିକଟ ଗଡ଼ପୋଷ ଠାରୁ ବିଜେପିର ଜନ ସମାବେଶ ଥିଲା। ପ୍ରଚାର ପାଇଁ ହେଲିକପ୍ଟରେ ଦଳୀୟ ନେତ୍ରୀ ଲେଖାଶ୍ରୀ ସାମନ୍ତସିଂହାର, ଅଭିନେତା ଶ୍ରୀତମ ଦାସ, ଦେବଗଡ଼ ରାଣୀ ଅରୁନ୍ଧତୀ ଦେବୀ ଥିଲେ। ଇନ୍ଧନ ଶେଷ ହେବାରୁ ହେଲିକପ୍ଟରଟି ଅବତରଣ କରିବା ପରେ ପ୍ରାୟ ଏକ ଘଣ୍ଟା ଯାଏଁ ଅଟକିଥିଲା। ପରେ ଇନ୍ଧନ ଆସିବା ପରେ ହେଲିକପ୍ଟର ନିଜର ଗନ୍ତବ୍ୟ ଅଭିମୁଖେ ଯାଇଥିଲା।

ଅନ୍ୟପକ୍ଷରେ ବିଜେପି ନେତା-ନେତ୍ରୀଙ୍କୁ ନେଇ ଯାଉଥିବା ହେଲିକପ୍ଟରଟି ଜରୁରୀ ଅବତରଣ କରିବା ପରେ ଲୋକେ ବ୍ୟସ୍ତ ହୋଇ ପଡ଼ିଥିଲେ। କାରଣ ଅବତରଣ କରିବା ପୂର୍ବରୁ ହେଲିକପ୍ଟରଟି ପ୍ରାୟ ୩ଥର ଗୋଟିଏ ସ୍ଥାନରେ ବୁଲିଥିଲା। ଯେଉଁସ୍ଥାନରେ ହେଲିକପ୍ଟର ଅବତରଣ କରିଥିଲା, ସେଠାରୁ ଅଳ୍ପ ଦୂରରେ ବିଜେଡି ନେତା ନବ ଦାସଙ୍କ ଅନ୍ୟ ଏକ ନିର୍ବାଚନୀ ସଭା ଥିଲା। ଲୋକେ ମାନେ ଭାବିଥିଲେ ଯେ, ନବ ଦାସ ଆସି ଯାଇଛନ୍ତି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Leave A Reply

Your email address will not be published.