ପୁରୀ: ଗଛରେ ପିଟି ହେଲା ବିଏମଡବ୍ଲ୍ୟୁ କାର, ଯୁବକ ମୃତ, ଯୁବତୀଙ୍କ ସହିତ ୩ ଗୁରୁତର

1

ପୁରୀ: ଗତକାଲି ବିଳମ୍ବିତ ରାତିରେ ପୁରୀ-କୋଣାର୍କ ମେରାଇନ୍‌ ଡ୍ରାଇଭ ରୋଡ୍‌ର ଚିକିନା ଓଭର ବିଜ୍‌ ନିକଟରେଏକ ବିଏମ୍‌ଡବ୍ଲ୍ୟୁ କାର ଦୃତଗତିରେ ଯାଇ ଗଛରେ ପିଟି ହୋଇଯିବା ଫଳରେ ଘଟଣାସ୍ଥଳରେ ଜଣେ ଯୁବକଙ୍କର ମୃତ୍ୟୁ ଘଟିିଥିବା ବେଳେ କାରରେ ଥିବା ଜଣେ ଯୁବତୀଙ୍କ ସହିତ ମୋଟ ୩ ଜଣ ଗୁରୁତର ଭାବେ ଆହତ ହୋଇଛନ୍ତି। ଗ୍ୟାସ କଟର ସାହାଯ୍ୟରେ କାରକୁ କାଟି ଆହତମାନଙ୍କୁ ଉଦ୍ଧାର କରାଯାଇ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।


ପୁଲିସ ସୂତ୍ରରୁ ପ୍ରକାଶ ଯେ, ଡିଏଲ୯ସି କ୍ୟୁ ୫୮୭୮ ନମ୍ବର ବିଶିଷ୍ଟ ବିଏମ୍‌ ଡବ୍ଲ୍ୟୁ କାରରେ ଭୁବନେଶ୍ୱର ଅଞ୍ଚଳର ନନ୍ଦକିଶୋର ମହାପାତ୍ର(୨୯ ବର୍ଷ), କଲ୍ୟାଣ କେଶରୀ ସାମନ୍ତରାୟ, ସୁମନ ପାତ୍ର (୨୬) ଓ ସୋନାଲି ବେହେରା ଓରଫ ସିପ୍ରା(୨୧) ନାମକ ୪ ଜଣ କୋଣାର୍କ ଅଭିମୁଖେ ଯାଉଥିବା ବେଳେ ରାତି ପ୍ରାୟ ସାଢ଼େ ୩ଟା ବେଳେ କାରଟି ଏକ ଗଛରେ ପିଟି ହୋଇଯାଇଥିଲା। ଫଳରେ ଘଟଣାସ୍ଥଳରେ ନନ୍ଦକିଶୋର ମହାପାତ୍ରଙ୍କ ମତ୍ୟୁ ଘଟିଥିବା ବେଳେ ସୋନାଲି, କକ୍ୟାଣକେଶରୀ ଓ ସୁମନ ଗୁରୁତର ଅବସ୍ଥାରେ କାର ଭିତରେ ଚାପି ହୋଇ ରହି ଯାଇଥିିଲେ। ଦୁର୍ଘଟଣା ଏତେ ଯୋରରେ ହୋଇଥିଲା ଯେ ଯାତ୍ରୀଙ୍କ ସୁରକ୍ଷା ପାଇଁ ଥିବା ସମସ୍ତ ସେଫ୍ଟି ବେଲୁନ୍‌ ଫାଟି ଯାଇଥିଲା ଓ ଗାଡ଼ିର ଆଗ ଚକ ଯାଇ ପଛ ଚକରେ ଲାଗି ଯାଇଥିଲା। ଖବରପାଇ କୋଣାର୍କ ଓ ପୁରୀରୁ ଦମକଳ ବାହିନୀ ପହଞ୍ଚି ଗ୍ୟାସ କଟର ଯୋଗେ ଗାଡ଼ିକୁ କାଟି ମୃତାହତମାନଙ୍କୁ ଉଦ୍ଧାର କରି ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ।

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. Chandrika Banerjee says

    On Bhubaneswar Roads KAPOOR Named Heavy Loaded Container Trucks are plying at an excessive speed in the Day time and from Evening Five o clock onwards passing from Khurda to Cuttack Highways during the Local Commuters office ,School and Local Marketing evening time.This traffic should be permitted only and after 10 PM onwards.