ପୁରୀ: ପୁରୀ ଜିଲ୍ଲା ସମୁଦ୍ରକୁଳ ଥାନା ଅନ୍ତର୍ଗତ ତାଳବଣିଆ ନିକଟସ୍ଥ ଝାଉଁ ବଣରେ ଆଜି ସକାଳୁ ଜଣେ ଯୁବକଙ୍କ ମୃତ ଦେହ ଜବତ କରାଯାଇଛି। ଯୁବକ ଜଣକ ବେକରେ ଫାଶି ଲଗାଇ ଆତ୍ମହତ୍ୟା କରିଥିବା ପୁଲିସ ସନ୍ଦେହ କରୁଛିି। ମୃତ ଯୁବକଙ୍କ ପରିଚୟ ଜଣାପଡ଼ି ନାହିଁ। ଗୁରୁତ୍ୱପୂର୍ଣ୍ଣ ହେଉଛି ଯେଉଁ ସ୍ଥାନରେ ଯୁବକ ଜଣକ ଆତ୍ମହତ୍ୟା କରିଛନ୍ତି ତା ଠାରୁ ଅଳ୍ପ ଦୂରରେ ଓଡି ୧୩ ଡି ୧୭୯୭ ନମ୍ବର ବିଶିଷ୍ଟ ଏକ ସରକାରୀ ଆମ୍ବୁଲାନ୍ସ ରହିଛି। ଆମ୍ବୁଲାନ୍ସଟି ଲକ୍‌ ଥିବାରୁ ଯୁବକ ଜଣକ ସେହି ଆମ୍ବୁଲାନ୍ସର କର୍ମଚାରୀ ହୋଇ ଥାଇ ପାରନ୍ତି ବୋଲି ସନ୍ଦେହ କରାଯାଉଛି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।
ଆଜି ସକାଳୁ ତାଳବଣିଆ ଝାଉଁ ଜଙ୍ଗଲରେ ଜଣେ ଯୁବକ ବେକରେ ଦଉଡି ଦେଇଥିବା ବେଳେ ବସିଥିବା ଅବସ୍ଥାରେ ମୃତ୍ୟୁ ବରଣ କରିଥିବା କେତେକ ଲୋକ ଦେଖି ପୁଲିସକୁ ଖବର ଦେଇଥିଲେ। ଖବର ପାଇ ସମୁଦ୍ରକୁଳ ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି। ଯୁବକଙ୍କ ପରିଚୟ ଜଣାପଡ଼ିି ନ ଥିବାରୁ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।