କୁକୁଡ଼ା ଫାର୍ମକୁ ନେଇ ବିବାଦ, ଗ୍ରାମରେ ଫୁଟିଲା ବୋମା
ଗନ୍ଦିଆ : ଗନ୍ଦିଆ ଥାନା ଅନ୍ତର୍ଗତ କୋକେଇଦା ଗ୍ରାମରେ ଜଗନ୍ନାଥ ଅଗ୍ରୋଭିଟ ଗ୍ରୁପ କମ୍ପାନି ଏକ କୁକୁଡ଼ା ଫାର୍ମ ନିର୍ମାଣ କରିଛି । କମ୍ପାନି ଦ୍ବାରା ଏହି ଫାର୍ମକୁ ଏକ ରାସ୍ତା ନିର୍ମାଣ କରାଯ଼ାଉଥିବାବେଳେ ଗ୍ରାମବାସୀ ଓ କମ୍ପାନୀ କର୍ମଚାରୀ ମାନଙ୍କ ମଧ୍ୟରେ ବିବାଦ ହୋଇ ଗଣ୍ଡଗୋଳ ରୂପ ନେଇଥିଲା । ଏହି ଘଟଣାରେ ପୃଥକ ଭାବରେ ଦୁଇଟି ଅଭିଯୋଗ ଥାନାରେ ହୋଇଥିଲା । ପୋଲିସ ପକ୍ଷରୁ କେସ ନଂ. ୧୨୯ଓ ୧୩୦ ରେ ଦୁଇଟି କାଉଣ୍ଟର କେସ କରାଯାଇ ଥିଲା ଓ ଉକ୍ତ ଗ୍ରାମର ଅଫିସର ଦେହୁରୀକୁ ପୋଲିସ ଗିରଫ କରି କୋର୍ଟ ଚାଲାଣ କରିଥିଲା ।
Sambad is now on WhatsApp
Join and get latest news updates delivered to you via WhatsApp
ଉକ୍ତ ଫାର୍ମ ଦାୟିତ୍ୱରେ ଥିବା ସୁପରଭାଇଜର ଧୀରେନ୍ଦ୍ର ନାଥ ଶର୍ମା ଓରଫ ଦିପୁ ଆଜି ମଧ୍ୟାହ୍ନ ସମୟରେ ନିଜ ସାଥିରେ ଦୁଇଟି ଗାଡ଼ିରେ ୬ ଜଣ ଗୁଣ୍ଡା ଆଣି ଥିଲା । ଅପରାହ୍ନ ସାଢେ ୩ଟା ସମୟରେ ଉକ୍ତ ଗୁଣ୍ଡା ମାନେ ଗ୍ରାମ ମଧ୍ୟରେ ଥିବା ଗୋପାଳ ସାହି ରାସ୍ତା ମଝିରେ ଗୋଟିଏ ବମ ଫୁଟାଇବା ଶହ ଅତି ଖରାପ ଭାଷାରେ ଗାଳି ଗୁଲଜ କରି ଧମକ ଦେଇଥିଲେ । ଏହାପରେ ଗ୍ରାମର ପୁରୁଷ ଓ ମହିଳା ଗୁଣ୍ଡାମାନଂକୁ ଘେରି ଥିଲେ ଏହି ଗୁଣ୍ଡା ମାନଙ୍କ ମଧ୍ୟରୁ ୩ ଜଣ ଗୋଟିଏ ଗାଡି ଶହ ଖସି ପଳାଇ ଥିବା ବେଳେ ଅନ୍ୟ ୩ଜଣ ଗୁଣ୍ଡା ଙ୍କୁ ଗ୍ରାମବାସୀ ଅଟକ ରଖିବା ସହିତ ସାଥିରେ ଆଣିଥିବା କାର( ODO2K–7755) କୁ ଜବତ କରି ରଖିଛନ୍ତି । ଖବର ପାଇ ଗନ୍ଦିଆ ପୋଲିସ ଘଟଣା ସ୍ଥଳରେ ପହଂଚି ପରିସ୍ଥିତିକୁ ଶାନ୍ତ କରିବାକୁ ଚେଷ୍ଟା କରୁଛି । ବର୍ତମାନ ଗ୍ରାମବାସୀ ଓ ପୋଲିସ ମଧ୍ୟରେ ଆଲୋଚନା ଜାରି ରହିଛି । ସେଠାରେ ଗନ୍ଦିଆ ଥାନା ଆଇଆଇସି ଉପସ୍ଥିତ ରହି ସମାଧାନ ପାଇଁ ପ୍ରୟାସ ଜାରି ରଖିଛନ୍ତି ।