ବଜ୍ରାଘାତରେ ବାଳକ ମୃତ, ଅନ୍ୟ ଜଣେ ଆହତ
ଚାନ୍ଦବାଲି: ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ କାଣ୍ଡଗରଡି ପଂଚାୟତ ତେନ୍ତୁଳିଦା ଗାଁରେ ଏକ ଅଭାବନୀୟ ଘଟଣା ଘଟିଯାଇଛି । ଗାଁର ଦୁଇ ବାଳକ ଯାଉଥିବା ବେଳେ ବଜ୍ରାଘାତରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଆହତ ହୋଇ ଚାନ୍ଦବାଲି ମେଡିକାଲରେ ଚିକିତ୍ସିତ ହେଉଛନ୍ତି । ମୃତକ ଜଣଙ୍କ ତେନ୍ତୁଳିଦା ଗାଁର ରମେଶ ପରିଡାଙ୍କ ସାନ ପୁଅ ସିପୁନ ପରିଡା ଓରଫ କାଳିଆ ପରିଡା (୧୬) । ଆହତ ହୋଇଥିବା ବାଳକ ସଞ୍ଜୟ ନାୟକଙ୍କ ପୁଅ ପ୍ରକାଶ ନାୟକ (୧୨)।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଆଜି ସନ୍ଧ୍ୟା ୫ଟା ସମୟରେ ଗାଁ ନିକଟ ପୋଖରୀ ହୁଡ଼ାରେ ସିପୁନ ପରିଡା ଏବଂ ପ୍ରକାଶ ନାୟକ ଯାଉଥିବା ବେଳେ ବଜ୍ରାପାତ ହୋଇଥିଲା । ଏଥିରେ ସିପୁନ ପରିଡା ଘଟଣା ସ୍ଥଳରେ ଟଳି ପଡ଼ିଥିବା ବେଳେ ନିକଟରେ ଥିବା ପ୍ରକାଶଙ୍କୁ ଆଘାତ ଲାଗିଥିଲା । ସଂଗେସଂଗେ ଗ୍ରାମ ଲୋକ ଉଭୟଙ୍କୁ ମେଡିକାଲରେ ଭର୍ତ୍ତି କରିଥିବାବେଳେ ସିପୁନଙ୍କୁ ଡାକ୍ତର ମୃତ ଘୋଷଣା କରିଥିଲେ ଏବଂ ପ୍ରକାଶ ନାୟକଙ୍କୁ ତୁରନ୍ତ ଚିକିତ୍ସା ଯୋଗାଇଦେବା ସହିତ ଅଧିକ ଚିକିତ୍ସା ପାଇଁ ଭଦ୍ରକ ରେଫର ପାଇଁ ଡାକ୍ତର ବିଷ୍ଣୁ ସାହୁ କହିଛନ୍ତି । ଏଠାରେ ପ୍ରକାଶ ଥାଉକି ରମେଶ ପରିଡା ଜଣେ ଗରିବ ଚାଷୀ. ତାଙ୍କର ୩ଗୋଟି ଛୋଟ ଛୋଟ ପୁଅ । ଜଣେ ଶାରୀରିକ ବିକଳାଙ୍ଗ ଅନ୍ୟ ଜଣେ ଛୋଟ ନାବାଳକ । ସିପୁନ ସବା ସାନ ପୁଅ ଥିଲା । ତୁରନ୍ତ ତାଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବୀ ହୋଇଛି ।