ଚିତ୍ରୋତ୍ପଳା ନଦୀରେ ବୁଡ଼ିଗଲେ ଦୁଇ ନାବାଳକ
ଗରଦପୁର: ଚିତ୍ରୋତ୍ପଳା ନଦୀରେ ବୁଡ଼ିଗଲେ ଦୁଇ ନାବାଳକ। କେନ୍ଦ୍ରାପଡ଼ା ଜିଲ୍ଲା ଗରଦପୁର ବ୍ଲକ୍ ଅନ୍ତର୍ଗତ ମିଶର ଗାଁ ଗଡ଼ାରେ ଗାଧୋଉଥିବା ବେଳେ ଦୁଇଜଣ ନାବାଳକ ବୁଡ଼ିଯାଇଛନ୍ତି। ମିଳିଥିବା ସୂଚନା ଅନୁସାରେ, ମିଶର ଗାଁର ଆଶିଷ କୁମାର ମଲ୍ଲିକଙ୍କ ପୁଅ ଆରିଅନ୍ ମଲ୍ଲିକ(୧୧) ଓ ତାଙ୍କ ଘରକୁ ଆସିଥିବା କଟକ ଜିଲା ନିଶ୍ଚିନ୍ତକୋଇଲି ବ୍ଲକ୍ ନରେନ୍ଦ୍ରପୁର ନିକଟ ଅସରପଡ଼ା ଗ୍ରାମର ବିଶ୍ୱନାଥ ମଲ୍ଲିକଙ୍କ ପୁଅ ସାଇନ୍ ମଲ୍ଲିକ (୧୩) ଦୁହେଁ ଚିତ୍ରୋତ୍ପଳା ନଦୀକୁ ଗାଧୋଇବା ପାଇଁ ଯାଇଥିଲେ। ନଦୀରେ ଗାଧୋଉଥିବା ବେଳେ ଦୁଇ ଜଣଯାକ ବୁଡ଼ିଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଗ୍ରାମବାସୀ ଓ କୋରୁଆ ଅଗ୍ନିଶମ ବାହିନୀ ଖୋଜା ଖୋଜି କରି ସାଇନ ମଲ୍ଲିକକୁ ସଙ୍କଟାପନ୍ନ ଅବସ୍ଥାରେ ନିଶ୍ଚିନ୍ତକୋଇଲି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇ ଥିବାବେଳେ ଏବେବି ଆରିଅନ ମଲ୍ଲିକ ନିଖୋଜ ରହିଛି। ନଦୀରେ ଆରିଅନଙ୍କ ଖୋଜା ଜାରି ରହିଥିବା ସୂଚନା ରହିଛି।