କୂଅରେ ପଡ଼ିଥିବା ଶିଶୁକୁ ଉଦ୍ଧାର କଲେ, କିନ୍ତୁ ନିଜକୁ ବଞ୍ଚାଇ ପାରିଲେନି
ଛେଣ୍ଡିପଦା : ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ଶିମିଳିପାଳ ପଂଚାୟତ ପୁରିଆପାଟ ବନଦୁର୍ଗା ମନ୍ଦିର ପରିସର କୂଅରେ ପଡିଯାଇଥିବା ଶିଶୁକୁ ଉଦ୍ଧାର ପରେ ଉଦ୍ଧାରକାରୀ ଯୁବକ ପାଣିରେ ବୁଡ଼ି ମୃତ୍ୟୁବରଣ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ଆଜି ସକାଳ ୮ ଟାରେ ଶିମିଳିପାଳ ଗ୍ରାମର ଶିବ ଦେହୁରୀଙ୍କ ଅଢେଇ ବର୍ଷର ଶିଶୁ ଶୁଭମ ମନ୍ଦିର ପରିସର କୂଅରୁ ପାଣି ଟାଣୁଥିଲେ। ଭାରସାମ୍ୟ ହରେଇ ଶୁଭମ କୂଅରେ ପଡିଯାଇଥିଲେ। କୂଅରେ ପଡିଯିବା ଦେଖି ପାଖରେ ଥିବା ଚାଇଆ ପଧାନ(୨୨) ଓ ବଙ୍କା ପଧାନ(୨୪) କୂଅରେ ପଶି ଶୁଭମକୁ ଉଦ୍ଧାର କରିଥିଲେ। ଉଦ୍ଧାର ପରେ ଚାଇଆ କୂଅ ପାଣିରେ ବୁଡି ମୃତ୍ୟୁବରଣ କରିଥିବାବେଳେ ବଙ୍କା କୂଅରୁ ବାହାରି ଆସିଥିଲେ। ଖବରପାଇ ଛେଣ୍ଡିପଦା ଅଗ୍ନିଶ୍ରମ ବାହିନୀ ପହଞ୍ଚି କୂଅରୁ ଚାଇଆକୁ ଉଦ୍ଧାର କରିଥିଲେ । ଅସୁସ୍ଥ ଥିବା ଶୁଭମ ବାଗେଡ଼ିଆ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସାଧୀନ ଅଛନ୍ତି।