ଘୁ.ଉଦୟଗିରି: ଭଉଣୀକୁ ଅସଦାଚରଣ କରୁଥିବା ଯୁବକକୁ ଗୋଡେଇ ଗୋଡେଇ ହାଣି ହତ୍ୟା କଲା ଭାଇ | କନ୍ଧମାଳ ଜିଲ୍ଲାର ଚକାପାଦ ଅଞ୍ଚଳରେ ଏଭଳି ଏକ ଜଘନ୍ୟ ହତ୍ୟାକାଣ୍ଡ ଘଟିଛି | ମିଳିଥିବା ସୂଚନା ମୁତାବକ ଆଜି ସକାଳୁ ଚକାପାଦ ଥାନା ଅନ୍ତର୍ଗତ ସୁବଳୟା ଗ୍ରାମର ସ୍କୁଲ ସମ୍ମୁଖରେ ଏକ ଯୁବକଙ୍କ ରକ୍ତ ଜୁଡୁବୁଡୁ ଶବ ପଡିଥିବାର ଦେଖିବାକୁ ମିଳିଥିଲା | ଏବାବଦରେ ଖବର ପାଇ ଆଜି ଚକାପାଦ ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ଶବ ଜବତ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ମୃତ ଯୁବକ ଜଣକ ଯଶୋବନ୍ତ ବେହେରା ଓ ସେ ବିବାହିତ ବୋଲି ଜଣାପଡିଛି । ବିଶ୍ୱସ୍ତ ସୂତ୍ରରୁ ଜଣାପଡ଼ିଛି ଜଣେ ଯୁବତୀଙ୍କୁ ଅସଦାଚରଣ କରିବା ଯୋଗୁଁ ଯୁବତୀଙ୍କ ଭାଇ ଯଶୋବନ୍ତଙ୍କୁ ବିଚ ରାସ୍ତାରେ ଗୋଡେଇ ଆକ୍ରମଣ କରିଥିଲେ | ଆଉ ଯଶୋବନ୍ତଙ୍କ ମୁଣ୍ଡରେ ଶକ୍ତ ଆଘାତ ଲାଗିଥିବା ଯୋଗୁଁ ରକ୍ତ ଜୁଡୁବୁଡୁ ଅବସ୍ଥାରେ ସ୍କୁଲ ସମ୍ମୁଖରେ ପଡି ତାଙ୍କର ମୃତ୍ୟୁ ହୋଇଛି |
ବର୍ତ୍ତମାନ ପୁଲିସ ଏହି ଘଟଣାକୁ ନେଇ ତଦନ୍ତ ଚଳାଇଥିବା ଜଣାପଡିଛି।