କଣ୍ଟାବାଞ୍ଜି: ବଲାଙ୍ଗୀର ଜିଲ୍ଲା ସିଂଧେକେଲା ଥାନା ତୁର୍କୁଭଟା ଗାଁ ନିକଟରେ ଯାତ୍ରୀବାହୀ ବସ୍‌ ଦୁର୍ଘଟଣା ଘଟିଛି । ବସ ଚାପାରେ ଛେଳି ଚରାଳି ଶିଶୁର ମୃତ୍ୟୁ ହୋଇଛି । ମୃତକଙ୍କ ନାମ ସୁଶାନ୍ତ ଯାନୀ(୧୪)। ଘଟଣାସ୍ଥଳରେ ଚାପା ଉତ୍ତେଜନା ଲାଗିରହିଛି । ଉତ୍ୟକ୍ତ ଲୋକଙ୍କ ଦ୍ୱାରା ମୃତ ଶିଶୁର ପରିବାରକୁ କ୍ଷତିପୁରଣ ଦାବି ନେଇ ରାସ୍ତାରୋକ କରାଯାଇଛି । ବସରେ ଥିବା ୨୦ରୁ ଊର୍ଦ୍ଧ୍ବ ଆହତ ଯାତ୍ରୀ ମାନଙ୍କୁ ସିଂଧେକେଲା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଭବାନୀପାଟଣାରୁ ନୂଆପଡା ଆସୁଥିବା ମଣିବାବା ବସ ତୁର୍କୁଭଟା ନିକଟରେ ଭାରସାମ୍ୟ ହରାଇଥିଲା। ଡ୍ରାଇଭରଙ୍କ ଅସାଵଧାନତା ଯୋଗୁଁ ଏହି ବସ୍‌ଟି ଦୁର୍ଘଟଣାର ସମ୍ମୁଖୀନ ହୋଇଥିଲା। ବସ୍‌ର ଡ୍ରାଇଭର ମଦ୍ୟପାନ କରି ଗାଡି ଚଳାଉଥିବା ଅଭିଯୋଗ କରିଛନ୍ତି ଗୁରୁତର ଆହତ ହୋଇଥିବା ଯାତ୍ରୀ ।