ଗଛକୁ ଧକ୍କା ଦେଲା ଯାତ୍ରୀବାହୀ ବସ୍‌, ଯାତ୍ରୀ ସୁରକ୍ଷିତ

ବୈପାରିଗୁଡା: ଏକ ଯାତ୍ରୀବାହୀ ବସ ଗଛକୁ ଧକ୍କା ଦେଇଥିବା ବେଳେ ବସର ସମସ୍ତ ଯାତ୍ରୀ କିନ୍ତୁ ସୁରକ୍ଷିତ ରହିଛନ୍ତି। ଘଟଣା ଅନୁଯାୟୀ, ଭବାନୀପାଟଣାରୁ ହାଇଦ୍ରାବାଦ ଯାଉଥିବା ସଙ୍ଗୀତ ନାମକ ଏକ ଘରୋଇ ବସ ଗତକାଲି ହାଇଦ୍ରାବାଦରୁ ଭବାନୀପାଟଣା ଫେରୁଥିବା ବେଳେ ବୈପାରିଗୁଡା ଥାନା ଅଞ୍ଚଳର ୩୨୬ ନମ୍ବର ଜାତୀୟ ରାଜପଥର ଟାପାଯୋଡି ନିକଟରେ ଏକ ଗଛ ଦେହରେ ଧକ୍କା ଦେଇଥିଲା।

ତେବେ ବସରେ ରହିଥିବା ସମସ୍ତ ଯାତ୍ରୀ ସୁରକ୍ଷିତ ରହିଛନ୍ତି। ରାତି ସାଢ଼େ ତିନିଟା ବେଳେ ଘଟଣା ଘଟି ଯାଇଥିବା ବେଳେ ଡ୍ରାଇଭର ସାମାନ୍ୟ ଆହତ ହୋଇଥିବା ଜଣାପଡିଛି। ଡ୍ରାଇଭରର ଆଖି ଲାଗିଯିବା ଫଳରେ ରାସ୍ତା କଡ଼ରେ ରହିଥିବା ଗଛରେ ଧକ୍କା ହୋଇଥିବା କୁହାଯାଇଛି।