ଉଦଳା: ବସ ଓଲଟି ୧୦ ଆହତ
ଉଦଳା: ମୟୁରଭଞ୍ଜ ଜିଲ୍ଲା ଉଦଳା ନିକଟରେ ଆଜି ଏକ ଯାତ୍ରୀବାହୀ ବସ ଭାରସାମ୍ୟ ହରାଇ ଓଲଟି ପଡ଼ିବାରୁ ୧୦ ଯାତ୍ରୀ ଆହତ ହୋଇଛନ୍ତି। ଆହତ ଯାତ୍ରୀମାନଙ୍କୁ ଉଦ୍ଧାର କରାଯାଇ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି। ଆହତଙ୍କ ମଧ୍ୟରୁ ୨ ଜଣଙ୍କର ଅବସ୍ଥା ଗୁରୁତର ହେବାରୁ ସେମାନଙ୍କୁ ବାରିପଦା ସ୍ଥାନାନ୍ତର କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆଜି ସକାଳେ ଉଦଲା ଥାନା ଅନ୍ତର୍ଗତ ଗୁଣ୍ଡାବାଇ ଠାରୁ ଉଦଳାକୁ ଆସୁଥିବା ଓ ଆର୧୧ ସି ୦୯୯୦ ନମ୍ବର ବିଶିଷ୍ଟ ରାଜଶ୍ରୀ ନାମକ ବସ୍ଟି ଆଡ଼ାଘୁଟୁ ନିକଟରେ ଭାରସାମ୍ୟ ହରାଇ ଓଲଟି ପଡ଼ିଥିଲା। ବସଟି ଦୃତ ଗତିରେ ଆସୁଥିବା ବେଳେ ଡ୍ରାଇଭର ଏକ ବୁଲାଣି ନିକଟରେ ବେଗକୁ ନିୟନ୍ତ୍ରଣ କରି ନ ପାରିବାରୁ ବସଟି ଓଲଟି ପଡ଼ିଥିଲା। ଫଳରେ ଯାତ୍ରୀମାନଙ୍କ ମଧ୍ୟରୁ ୧୦ ଜଣ ଆହତ ହୋଇଥିଲେ। ଖବର ପାଇ ଦମକଳ ଓ ପୁଲିସ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ।