କାର ଧକ୍କାରେ ନାବାଳିକା ଗୁରୁତର

ପୁରୁଣାକଟକ: ଖୋର୍ଦ୍ଧା ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ପୁରୁଣାକଟକ ଥାନା କଳାଖଣ୍ଡିଠାରେ କାର ଧକ୍କାରେ ଜଣେ ନାବାଳିକା ଗୁରୁତର ହୋଇଥିବା ସୂଚନା ମିଳିଛି । ପ୍ରାପ୍ତ ସୂଚନା ମତେ ସୋମବାର ଦିନ ୧୨ଟା ସମୟରେ କଳାଖଣ୍ଡି ଗ୍ରାମର ରୁନିତା ଭୋଇ (୧୧) ନିଜ ସମ୍ପର୍କୀୟଙ୍କ ସହ ଜାତୀୟ ରାଜପଥ ପାର୍ଶ୍ୱରେ ଠିଆ ହୋଇଥିଲେ । ଏହି ସମୟରେ ଚାରିଛକ ପଟରୁ ବୌଦ୍ଧ ପଟକୁ ଆସୁଥିବା ଏକ କାର(ଓଆର ୦୨ ଏକ୍ୟୁ ୯୦୮୦) ରୁନିତାକୁ ଧକ୍କା ଦେଇଥିଲା ।

ଏଥିରେ ରୁନିତା ଗୁରୁତର ଆହତ ହୋଇଥିଲେ ।ସ୍ଥାନୀୟ ଲୋକେ ଗୁରୁତରଙ୍କୁ ଉଦ୍ଧାର କରି ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେପଟେ ଚାଳକ ଜଣକ କାରଟିକୁ ରାସ୍ତା ଉପରେ ଛାଡି ଘଟଣାସ୍ଥଳରୁ ଚମ୍ପଟ ମାରିଛି । ପୁରୁଣାକଟକ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ସୂଚନା ମିଳିଛି ।