ଅଧରାତିରେ ନିଶାଡ଼ି ଚାଳକଙ୍କୁ ଧରିଲା ପୁଲିସ, କାର୍‌ ଓ ବାଇକ ଜବତ

ଜୟପୁର: ଟାଉନ ଥାନା ପୁଲିସ ଶନିବାର ରାତିରେ ସହରର ବିଭିନ୍ନ ରାସ୍ତାରେ ନିଶାଶକ୍ତ ଅବସ୍ଥାରେ ବୁଲୁଥିବା ବାଇକ ଓ କାର ଚାଳକଙ୍କୁ ଘଡାଇଥିଲା। ଏହି କ୍ରମରେ ଗୋଟିଏ କାର ଓ ଗୋଟିଏ ବାଇକ ସହ ୨ଜଣ ନିଶାଶକ୍ତ ଯୁବକଙ୍କୁ ଥାନାକୁ ଧରି ଆଣିଛି। ସେମାନଙ୍କୁ ଅଟକ ରଖିଥିବା ବେଳେ ସେମାନଙ୍କ କାରସ ବାଇକକୁ ଜବତ କରିଛି। ସୂଚନା ଅନୁଯାୟୀ, ଗତକାଲି ଅର୍ଦ୍ଧରାତ୍ରରେ ଜୟପୁର ଟାଉନ ପୁଲିସ ପକ୍ଷରୁ ପାଟ୍ରୋଲିଂ ଜାରି ରହିଥିଲା। ଏହିକ୍ରମରେ ପୁଲିସ ବାଇପାସ୍ ରୋଡ , ମୁଖ୍ୟରାସ୍ତା, ଧୋବା ସାହି ଅଞ୍ଚଳରୁ ୨ଜଣ ଯୁବକଙ୍କୁ ଧରିଥିଲେ। ସେମାନଙ୍କୁ ନିଶା ଯନ୍ତ୍ରରେ ଯାଞ୍ଚ କରିବାରେ ନିଶାଶକ୍ତ ଥିବା ଜାଣି ପାରିଥିଲା ପୁଲିସ।

ଏମାନଙ୍କୁ ରାତିରେ ଥାନାରେ ଅଟକ ରଖିଥିବା ବେଳେ ଏମାନେ ଧରିଥିବା ଗୋଟିଏ କାର ଓ ଗୋଟିଏ ବାଇକକୁ ଜବତ କରାଯାଇଥିବା କହିଛନ୍ତି ଜୟପୁର ଟାଉନଥାନା ଅଧିକାରୀ ସତ୍ୟାନନ୍ଦ ପାତ୍ର। ସବଇନ୍ସପେକ୍ଟର ସଂଜୀବ ମହାନ୍ତି, ନବୀନ ଚୌଧୁରୀ, ଏଏସଆଇ ବିଷ୍ଣୁ ମାଡ଼କାମୀ, ବିଜୟ ପଟ୍ଟନାୟକ, ସତ୍ୟ ଚନ୍ଦ୍ର ନାୟକ ସଦଳବଳ ଚଢ଼ାଉ କରିଥିଲେ।