ବଲାଙ୍ଗୀର: ବଲାଙ୍ଗୀର ସିଭିଲ୍କୋର୍ଟ ସାମ୍ନାରେ ଶନିବାର ଏକ ସ୍କୁଟି (ଓଆର୍ ୦୩ ଜି ୨୦୦୫)କୁ କାର୍ (ଓଡି ୦୩ ଭି ୫୦୩୮) ପଛପଟୁ ଧକ୍କା ଦେବାରୁ ମା-ପୁଅ ଆହତ ହୋଇଛନ୍ତି। ସ୍ଥାନୀୟ କନ୍ଧପାଲିପଡ଼ାର ଜଣେ ମହିଳା ଓ ତାଙ୍କ ନାବାଳକ ପୁଅ କଲେଜ ଛକରୁ କିଛି ସାମଗ୍ରୀ କିଣି ସ୍କୁଟି ଯୋଗେ ଘରକୁ ଫେରୁଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ସମୟରେ ପାଟଣାଗଡ଼ ପଟୁ ଦ୍ରୁତ ଗତିରେ ଆସୁଥିବା କାର୍ଟି ପଛପଟୁ ଧକ୍କା ଦେଇଥିଲା। ମା ସାମାନ୍ୟ ଓ ପୁଅ ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକେ ନାବାଳକ ପୁଅଙ୍କୁ ଉଦ୍ଧାର କରି ଚିକିତ୍ସା ପାଇଁ ଡାକ୍ତରଖାନା ନେଇଥିଲେ। ଦୁର୍ଘଟଣା ଘଟଣାଇଥିବା କାର୍କୁ ଟାଉନ ଥାନା ପୁଲିସ ଜବତ କରି ଚାଳକଙ୍କୁ ଅଟକ ରଖିଛି।