ବାଲ୍ୟ ବିବାହକୁ ରୋକିଲା ଚାଇଲ୍ଡ ଲାଇନ୍ ଟିମ୍
ଖୋର୍ଦ୍ଧା: ଆଜି ଜଟଣୀ ସିଡିପିଓ, ଖୋର୍ଦ୍ଧା ଚାଇଲ୍ଡ ଲାଇନ୍ ଟିମ୍ ଓ ପୁଲିସର ମିଳିତ ଚଢ଼ାଉରେ ଜଟଣୀରେ ହେଉଥିବା ଏକ ବାଲ୍ୟ ବିବାହକୁ ବନ୍ଦ କରାଯାଇଛି। ଉଭୟ ବର ଓ କନ୍ୟା ନାବାଳକ ହୋଇଥିବାରୁ ଉଭୟଙ୍କୁ ବାଳାଶ୍ରମ ପଠାଇ ଦିଆଯାଇଛି। ସୂଚନାନୁସାରେ, ଜଟଣୀର ବିଡିଏ କଲୋନୀରେ ଆଠଗଡ଼ର ଜଣେ ୧୬ ବର୍ଷୀୟ ନାବାଳିକା ସହ ଜଟଣୀର ୧୬ ବର୍ଷୀୟ ନାବାଳକ ବିବାହ କରାଯାଉଥିବା ନେଇ ଖୋର୍ଦ୍ଧା ଚାଇଲ୍ଡ ଲାଇନ୍କୁ ସୂଚନା ମିଳିଥିଲା ।
Sambad is now on WhatsApp
Join and get latest news updates delivered to you via WhatsApp
ଏନେଇ ଚାଇଲ୍ଡ ଲାଇନ୍ ପକ୍ଷରୁ ମଣିପାଲ୍ ସାହୁ ଓ ରଂଜିତା ସିଂହାର ଜଟଣୀ ସିଡିପିଓ ବନ୍ଦନା କୁମାରୀ ଦେବୀ ଓ ଜଟଣୀ ପୁଲିସକୁ ଜଣାଇଥିଲେ। ଆଜି ମିଳିତ ଚଢ଼ାଉରେ ବିବାହ ବନ୍ଦ କରାଯାଇଥିଲା। ଉଭୟ ବର ଓ କନ୍ୟା ନାବାଳକ ଥିବାରୁ ଉଭୟଙ୍କୁ ଖୋର୍ଦ୍ଧା ଚାଇଲ୍ଡ ୱେଲ୍ଫେୟାର କମିଟି ସମ୍ମୁଖରେ ହାଜର କରାଯାଇ ବାଳାଶ୍ରମକୁ ପଠାଯାଇଥିଲା।