କଂଗ୍ରେସର ଅଭିନବ ପ୍ରତିବାଦ, ପେଟ୍ରୋଲ ଲିଟର ପିଛା ବିକିଲା ୮୦ ଟଙ୍କା
ବନ୍ତଳା: ପେଟ୍ରୋଲ ଓ ଡିଜେଲ ଦର ବୃଦ୍ଧି ପ୍ରତିବାଦରେ କଂଗ୍ରେସ ରାଜ୍ୟ ସାରା ପ୍ରଦର୍ଶନ କରୁଛି । ରାଜ୍ୟରେ ପେଟ୍ରୋଲ ଲିଟର ପିଛା ୧୦୦ ଟଙ୍କା ଅତିକ୍ରମ କରିଥିବା ବେଳେ କଂଗ୍ରେସ ଆଜି ପେଟ୍ରୋଲ ଲିଟର ପିଛା ୮୦ ଟଙ୍କାରେ ବିକ୍ରିକରି ଅଭିନବ ବିରୋଧ ପ୍ରଦର୍ଶନ କରିଛି । ଅନୁଗୁଳ ଜିଲ୍ଲା ବନ୍ତଳାରେ କଂଗ୍ରେସ ପକ୍ଷରୁ ଲିଟର ପିଛା ୮୦ ଟଙ୍କା ଦରରେ ବିକ୍ରି କରିଛି । କଂଗ୍ରେସ ଆଜି ବନ୍ତଳାରେ ୫୦ ଲିଟର ପେଟ୍ରୋଲ ବିକ୍ରି କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ଦରଦାମ ବୃଦ୍ଧି ପ୍ରତିବାଦରେ ଆଜି କଂଗ୍ରେସ ପକ୍ଷରୁ ଦସ୍ତଖତ ଅଭିଯାନ କରାଯାଇଥିଲା। ଅନୁଗୁଳ ବ୍ଲକ ବନ୍ତଳା ଅଞ୍ଚଳରେ ଆଜି କଂଗ୍ରେସ ଜିଲ୍ଲା ସଭାପତି ବିପ୍ଳବ ଜେନାଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ତେବେ ପେଟ୍ରୋଲ ଓ ଡିଜେଲ ଦର ଅହେତୁକ ବୃଦ୍ଧି ପ୍ରତିବାଦରେ କଂଗ୍ରେସ କର୍ମୀମାନେ ବନ୍ତଳା ପେଟ୍ରୋଲ ଟାଙ୍କି ପାଖରେ ଅଭିନବ ବିରୋଧ କରିଥିଲେ। ପେଟ୍ରୋଲ ଲିଟର ୧୦୦ଟଙ୍କା ପାର ହୋଇଥିଲା ବେଳେ ଆଜି ବନ୍ତଳାରେ କଂଗ୍ରେସ ଲିଟର ପିଛା ୮୦ଟଙ୍କାରେ ବିକ୍ରି କରିଛି।