ଅଜଣା ଗାଡ଼ି ଧକ୍କାରେ କନଷ୍ଟେବଳ ମୃତ

କୋରାପୁଟ:ବୋରିଗୁମ୍ମା-କୋରାପୁଟ ୪୮ ନମ୍ବର ରାଜ୍ୟ ରାଜପଥ ଦୁଲାଗୁଡା ନିକଟରେ ଅଜଣା ଗାଡି ଧକ୍କାରେ ପୁଲିସ କନଷ୍ଟେବଳଙ୍କ ମୃତ୍ୟୁ ଘଟିଛି।

ସେ ପ୍ରାତଃଭ୍ରମଣରେ ବାହାରିଥିବାବେଳେ ଏଭଳି ଅଭାବନୀୟ ଘଟଣା ଘଟିଛି। ଘଟଣାସ୍ଥଳରେ ତାଙ୍କ ମୃତ୍ୟୁ ଘଟିଛି । ମୃତ କନଷ୍ଟେବଳଙ୍କ ନାମ  ପିତାମ୍ବର ପୂଜାରୀ ବ‌ୋଲି ଜଣାପଡ଼ିଛି।

ଅଧିକ ପଢ଼ନ୍ତୁ: ଅଗ୍ନିକାଣ୍ଡରେ ଜଳିଗଲା ଲୁଗା ଦୋକାନ: ସର୍ଟସର୍କିଟ ସନ୍ଦେହ

ସେ ପ୍ରତିଦିନ ପରି  ଗୁରୁବାର ମଧ୍ୟ ଭ‌ୋର୍ ୫.୩୦ ମିନିଟ୍ ସମୟରେ ଦୁଲାଗୁଡା ରାସ୍ତାରେ ଚାଲିଚାଲି ଯାଉଥିଲେ । ହଠାତ ପଛପଟୁ ଏକ ଗାଡି ତାଙ୍କୁ ଧକ୍କା ଦେଇଥିଲା। ମୃତ କନଷ୍ଟେବଳ ଜଣକ କୋଟପାଡ଼ ବ୍ଲକ ଗିର୍ଲା ଗ୍ରାମର ବୋଲି ଜଣାପଡିଛି ।

ସେ ୬ମାସ ହେବ ବୋରିଗୁମ୍ମା ଥାନାରେ କନଷ୍ଟେବଳ ଭାବେ କାର୍ଯ୍ୟରତ ଥିଲେ । ଆଉ ୬ମାସ ପରେ ସେ ଅବସର ନେଇଥାନ୍ତେ। ପୋଲିସ ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି।

ଅଧିକ ପଢ଼ନ୍ତୁ:ଦୁର୍ଦ୍ଦାନ୍ତ ଅପରାଧୀଙ୍କୁ ପିଟିପିଟି ହତ୍ୟା