ନୟାଗଡ଼ ଓ ଗଜପତି ଜିଲ୍ଲାରେ ବଢ଼ି ଚାଲିଛି କରୋନା ଭାଇରସ ସଂକ୍ରମିତଙ୍କ ସଂଖ୍ୟା
ଭୁବନେଶ୍ୱର: ନୟାଗଡ଼ ଓ ଗଜପତି ଜିଲ୍ଲାକୁ କରୋନା ଭାଇରସ ବିଳମ୍ବରେ ଆସିଥିଲେ ବି ଏବେ ଏହା ତୀବ୍ର ଗତିରେ ବଢ଼ି ଚାଲିଛ। ନୟାଗଡ଼ା ଜିଲ୍ଲାରେ ୨୯ ଦିନରେ ୮୭ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏଥିରୁ ୬୫ ଜଣ ସୁସ୍ଥ ହୋଇଥିବା ବେଳେ ୨୨ ଜଣ ସକ୍ରିୟ ଆକ୍ରାନ୍ତଙ୍କ ଚିକିତ୍ସା ଚାଲିଛି।
Sambad is now on WhatsApp
Join and get latest news updates delivered to you via WhatsApp
ନୟାଗଡ଼ ଜିଲ୍ଲାରେ ଗତ ମାସ ୯ ତାରିଖରେ କରୋନା ଭାଇରସ ଆସିଥିଲା। ଜୁନ ୬ ତାରିଖରେ ୪ ଜଣ କରୋନା ପଜିଟିଭ ଚିହ୍ନଟ ହୋଇଥିଲେ। ଗତ ମାସ ୨୩ ତାରିଖରେ ୧୩ ଜଣ ପଜିଟିଭ ଚିହ୍ନଟ ହୋଇଥିଲେ। ତେବେ ଜିଲ୍ଲାକୁ ଆହୁରି ପ୍ରବାସୀମାନଙ୍କର ଆଗମନ ହେବାକୁ ଥିବା ବେଳେ ଆଗାମୀ ଦିନରେ ପଜିଟିଭ ସଂଖ୍ୟା ଆହୁରି ବଢ଼ିବ ବୋଲି ଆଶଙ୍କା ଦେଖାଯାଇଛି।
ଗଜପତି ଜିଲ୍ଲାରେ ପ୍ରଥମ ଥର ପାଇଁ ଗତ ମେ’ ମାସ ୨୨ ତାରିଖରେ ୪ ଜଣ ବ୍ୟକ୍ତି କରୋନା ପଜିଟିଭ ଚିହ୍ନଟ ହୋଇଥିଲେ। ଜିଲ୍ଲାରୁ ଶେଷ ଥର ପାଇଁ ଜୁନ ୫ ତାରିଖରେ ୧୦ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ। କିନ୍ତୁ ମେ’ ମାସ ୩୦ ତାରିଖରେ ହଠାତ ୧୬ ଜଣ କରୋନା ଆକ୍ରାନ୍ତ ଚିହ୍ନଟ ହେବା ପରେ ଜିଲ୍ଲାରେ ପଜିଟିଭ ସଂଖ୍ୟା ବଢ଼ିଥିଲା। ଜିଲ୍ଲାରେ ଏପର୍ଯ୍ୟନ୍ତ ୬୧ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେଥିରୁ ୩୩ ଜଣ ସୁସ୍ଥ ହୋଇଥିବା ବେଳେ ଆହୁରି ୨୮ ଜଣ ସକ୍ରିୟ ଆକ୍ରାନ୍ତ ଅଛନ୍ତି।