କଣ୍ଟାମାଳ : ବୌଦ୍ଧ ଜିଲ୍ଲା କଣ୍ଟାମାଳ ବନାଞ୍ଚଳ ସୁଳିଆ ଗ୍ରାମର ଜଣେ ବ୍ୟକ୍ତିଙ୍କ ଘରୁ ଏକ ଜଙ୍ଗଲି ଝିଙ୍କ ଉଦ୍ଧାର କରାଯ଼ାଇଛି । ଏହି ଝିଙ୍କ ରଖିଥିବା ବ୍ୟକ୍ତି ବିରୁଦ୍ଧରେ ବନ ବିଭାଗ ପକ୍ଷରୁ ମାମଲା ରୁଜ୍ଜୁ କରାଯ଼ାଇଛି ।
Sambad is now on WhatsApp
Join and get latest news updates delivered to you via WhatsApp
ବିଶେଷ ସୂତ୍ରରୁ ଖବର ପାଇ ସହକାରୀ ବନ ସଂରକ୍ଷକ ରାଜେନ୍ଦ୍ର ଗୋଚ୍ଛାୟତଙ୍କ ନେତୃତ୍ବରେ ଏକ ଟିମ୍ ଗଠନ କରାଯାଇ ସୁଳିଆ ଗ୍ରାମର ରାଧାକାନ୍ତ ସେଠୀ(୨୫)ଙ୍କ ଘରେ ଚଢାଉ କରାଯାଇଥିଲା । ତାଙ୍କ ଘରୁ ଜୀବିତ ଅବସ୍ଥାରେ ଥିବା ଏକ ଜଙ୍ଗଲି ଝିଙ୍କ ଜବତ କରାଯାଇ ରାଧାକାନ୍ତ ସେଠୀକୁ ବନ୍ୟଜନ୍ତୁ ସଂରକ୍ଷଣ ଅଧିନିୟମ ୧୯୭୨ ର ଧାରା ୬ , ୩୯ ( ଖ ) ( ୧ ) ଅନୁଯାୟୀ ଏକ କେଶ ନଂ . ୫୭ ( କେ ) ୨୦୨୧ – ୨୨ କଣ୍ଟାମାଳ ବନାଞ୍ଚଳରେ ରୁଜୁ କରାଯାଇ ବିହିତ କାର୍ଯ୍ୟାନୁଷ୍ଠାନ କରାଯାଉଅଛି । ଏହି ଚଢାଉରେ କଣ୍ଟାମାଳ ବନାଞ୍ଚଳ ଅଧିକାରୀ କୁମାରୀ କ୍ଷିରାବ୍ଧି ପ୍ରଧାନ, କଣ୍ଟାମାଳ ବନପାଳ ପ୍ରକାଶ ସେଠୀ, ବରପଦର ବିଟ୍ ବନରକ୍ଷୀ ବେବି ମିଶ୍ର ଓ ସେହି ରେଞ୍ଜର ଫରେଷ୍ଟ ସ୍କାର୍ଡ ଭାଗ ନେଇଥିଲେ । ସୁଳିଆ ସଂରକ୍ଷିତ ଜଙ୍ଗଲରୁ ଏହି ଝିଙ୍କ ଧରି ରାଧାକାନ୍ତ ଘରେ ରଖିଥିବା ବନବିଭାଗ ତଦନ୍ତରୁ ଜାଣିବାକୁ ପାଇଛି ।