କଟକ: ବ୍ରାଉନ ସୁଗାର ବ୍ୟବସାୟ ସହ ଜଡ଼ିତ ଜଣେ ଅଭିଯୁକ୍ତ ଗିରଫ ହୋଇଥିବା ପୁଲିସ କହିଛି । ଏଥି ସହିତ ଅଭିଯୁକ୍ତ ଠାରୁ ୧୦.୩୦ ଗ୍ରାମ ବ୍ରାଉନ ସୁଗାର ଜବତ ହୋଇଛି । ବଜାରରେ ଏହାର ମୂଲ୍ୟ ୧୦ ଲକ୍ଷ ୩୦ ହଜାର ଟଙ୍କା ହେବ ବୋଲି ପୁଲିସ କହିଛି । ଅଭିଯୁକ୍ତ ଗିରଫ ବ୍ୟକ୍ତିର ନାମ ଘୁଙ୍ଗା ଓରଫ କାର୍ତ୍ତିକ ଦାସ (୪୧) । ସେ ଗଂଜାମ ଜିଲ୍ଲା ଗୋଲନ୍ଥରା ଅଂଚଳର ରଣ୍ଢା ଅଂଚଳର ସ୍ୱର୍ଗତ ଚୌଧୁରୀ ଦାସଙ୍କ ପୁଅ । କଟକ ସହରର ଚାଉଳିଆଗଂଜ ଥାନା ଅନ୍ତର୍ଗତ ନୂଆବଜାର ତେଲିସାହିରେ ରହୁଥିଲା । ପୂର୍ବରୁ କାର୍ତ୍ତିକ ନାଁରେ ଚାଉଳିଆଗଂଜ ଥନାରେ ୭ଟି ଓ ଟାଙ୍ଗୀ ଥାନରେ ୨ଟି ମାମଲା ରୁଜୁ ହୋଇଛି । ଏ ନେଇ କଟକ ସହରର ଚାଉଳିଆଗଂଜ ଥାନାରେ ଏକ ମାମଲା ରୁଜୁ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଏସଆଇ ତୃପ୍ତିମୟୀ ସାହୁ ଟିମ ସହିତ ପେଟ୍ରୋଲିଂ କରୁଥିବା ବେଳେ ଜଗତପୁର ମାର୍କେଟ ପରିସରରେ କାର୍ତ୍ତିକଙ୍କ ଉପରେ ସନ୍ଦେହ କରିଥିଲେ । ସେ କାର୍ତ୍ତିକଙ୍କ ପାଖକୁ ଯାଇ ସର୍ଚ୍ଚ କରିବା ପରେ, ତା’ପାଖରୁ ୧୦.୩୦୦ ଗ୍ରାମର ବ୍ରାଉନସୁଗର ଜବତ ହୋଇଥିଲା । କାର୍ତ୍ତିକ ଏହାକୁ ଚାଲାଣ କରିବା ଲାଗି ରାସ୍ତାକଡ଼ରେ ଛିଡ଼ା ହୋଇ କେହି ଜଣେ ବ୍ୟକ୍ତିଙ୍କୁ ଅପେକ୍ଷା କରିଥିଲା । ପୁଲିସ ତାକୁ ପଚରାଉଚରା ବେଳେ ଜାଣିବାକୁ ପାଇଲା ଯେ, ସେ ବ୍ରହ୍ମପୁରର ଗୋଲନ୍ଥରା ଅଂଚଳରୁ ଆସି କଟକର ତେଲିସାହିରେ ବସବାସ କରୁଥିଲା ।