‘ସମ୍ବାଦ-ଆମ ଓଡ଼ିଶା’ ବାର୍ଷିକ ପ୍ରତିଯୋଗିତା; କୁଇଜ୍, ହସ୍ତାକ୍ଷର, ଚିତ୍ରାଙ୍କନରେ କଟକ ସଂସ୍କରଣରୁ ୧୦ହଜାର ପ୍ରତିଯୋଗୀ
କଟକ: ‘ସମ୍ବାଦ’ର ବାର୍ଷିକ ଉତ୍ସବ ପାଳନ ଅବସରରେ ‘ସମ୍ବାଦ-ଆମ ଓଡ଼ିଶା’ ପକ୍ଷରୁ ଆୟୋଜିତ ବାର୍ଷିକ କୁଇଜ୍, ହସ୍ତାକ୍ଷର ଓ ଚିତ୍ରାଙ୍କନ ପ୍ରତିଯୋଗିତାରେ କଟକ ସଂସ୍କରଣ (କଟକ, କେନ୍ଦ୍ରାପଡ଼ା ଓ ଜଗତସିଂହପୁର ଜିଲ୍ଲା)ରୁ ୧୦ହଜାରରୁ ଅଧିକ ଛାତ୍ରଛାତ୍ରୀ ଭାଗ ନେଇଛନ୍ତି। ପ୍ରଥମରୁ ୧୦ମ ଶ୍ରେଣୀ ଛାତ୍ରଛାତ୍ରୀଙ୍କ ମଧ୍ୟରେ ଅନୁଷ୍ଠିତ ଏହି ପ୍ରତିଯୋଗିତାଗୁଡ଼ିକର ପ୍ରତ୍ୟେକ ବିଭାଗରେ ପ୍ରତ୍ୟେକ ଜିଲ୍ଲାରୁ ପ୍ରଥମ, ଦ୍ବିତୀୟ ଓ ତୃତୀୟ କୃତୀ ପ୍ରତିଯୋଗୀଙ୍କୁ ଯଥାକ୍ରମେ ୧ହଜାର, ୭୫୦ ଓ ୫୦୦ଟଙ୍କା ସହ ସାର୍ଟିଫିକେଟ୍ ପ୍ରଦାନ କରାଯିବ।
Sambad is now on WhatsApp
Join and get latest news updates delivered to you via WhatsApp
ଏହା ସହିତ କୃତୀ ପ୍ରତିଯୋଗୀମାନଙ୍କୁ ରାଜ୍ୟସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବାର ସୁଯୋଗ ମିଳିବ। ହସ୍ତାକ୍ଷର ଓ ଚିତ୍ରାଙ୍କନରେ ପ୍ରଥମ, ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଉତ୍ତର ଖାତାଗୁଡ଼ିକ ହିଁ ଚୂଡ଼ାନ୍ତ ପର୍ଯ୍ୟାୟ ପ୍ରତିଯୋଗିତା ପାଇଁ ବ୍ୟବହାର କରାଯିବ। ତେବେ, କୁଇଜ୍ ପ୍ରତିଯୋଗୀମାନଙ୍କୁ ପୁନର୍ବାର ଅନ୍ଲାଇନ୍ ପରୀକ୍ଷାରେ ଭାଗ ନେବାକୁ ପଡ଼ିବ।