ଗୋରୁ ମାଫିଆଙ୍କ ସଂଘବଦ୍ଧ ଆକ୍ରମଣ: ତିଗିରିଆ ଥାନା ଅଧିକାରୀଙ୍କ ସମେତ ୩ ପୁଲିସ କର୍ମୀ ଆହତ

ଆଠଗଡ଼: ପାଟ୍ରୋଲିଂ ବେଳେ ପୁଲିସ୍‌ କର୍ମଚାରୀଙ୍କୁ ଗୋରୁ ମାଫିଆମାନେ ସଂଘବଦ୍ଧ ଆକ୍ରମଣ କରିଥିବାର ଖବର ମିଳିଛି।, ତିଗିରିଆ ଗୋପିନାଥପୁର ଶାସନ ଛକରେ ଗୋରୁ ମାଫିଆମାନେ ଆକ୍ରମଣ କରିଛନ୍ତି। ଗତକାଲି ବିଳମ୍ବିତ ରାତିରେ ପୁଲିସ ପାଟ୍ରୋଲିଂ କରିବା ସମୟରେ ଏକ ଗୋରୁ ବୋଝେଇ କଣ୍ଟେନରକୁ ଅଟକାଇବା ପାଇଁ ଚେଷ୍ଟା କରିବା ବେଳେ ପୁଲିସ ଉପରକୁ ଅତର୍କିତ ଆକ୍ରମଣ କରିଥିଲେ ମାଫିଆ।

ଏଥିରେ ତିଗିରିଆ ଥାନା ଅଧିକାରୀ ସୁଚିତ୍ରା ଜେନା, ଏସଆଇ ସନ୍ତୋଷ ପ୍ରଧାନ ଓ ଲକ୍ଷ୍ମୀଧର ବେହେରା ଗୁରୁତର ଭାବେ ଆହତ ହୋଇଛନ୍ତି । ଏହି ଘଟଣାରେ ୨ ମାଫିଆଙ୍କୁ ଥାନାରେ ଅଟକ ରଖିଛି ପୁଲିସ। ଏନେଇ ଆଠଗଡ଼ ଏସଡିପିଓ ସୂଚନା ଦେଇଛନ୍ତି । ସେପଟେ ଆହତଙ୍କୁ ତିଗିରିଆ ଡାକ୍ତରଖାନାରେ ଚିକିତ୍ସା କରାଯାଉଛି।