ପାର୍ବଣରେ କଟକଣାକୁ ବିରୋଧ : ୧୩ରେ କଟକ ବନ୍ଦ ଡାକରା ଦେଲା ବିଜେପି
ଭୁବନେଶ୍ବର : ଆସନ୍ତା ପାର୍ବଣ ଋତୁରେ କରୋନା କଟକଣା ଲାଗୁକୁ କଟକ ନଗର ବିଜେପି ବିରୋଧ କରିଛି । ଏହି କଟକଣା ବିରୋଧରେ କଟକ ନଗର ବିଜେପି ପକ୍ଷରୁ ଆସନ୍ତା ୧୩ ତାରିଖରେ ବନ୍ଦ ଡାକରା ଦିଆଯାଇଛି । ଆଜି ଏକ ସାମ୍ବାଦିକ ସମ୍ମିଳନୀ କରି ନଗର ବିଜେପି ସଭାପତି ଲଲାତେନ୍ଦୁ ବଡ଼ୁ ସୂଚନା ଦେଇଛନ୍ତି ।
ସୂଚନାଯୋଗ୍ୟ ଯେ କରୋନା ମହାମାରୀକୁ ଦୃଷ୍ଟିରେ ରଖି ପୂଜାପାର୍ବଣ ଉପରେ କଟକଣା ଲଗାଇଛନ୍ତି ରାଜ୍ୟ ସରକାର । ଆବଦ୍ଧ ମଣ୍ଡପରେ ମାତ୍ର ୪ ଫୁଟ ମୂର୍ତ୍ତି ନିର୍ମାଣ କରି ପୂଜା ଆୟୋଜନକୁ ଅନୁମତି ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ସରକାରଙ୍କ ଗାଇଡଲାଇନ ଅନୁସାରେ ସିଏମସି (କଟକ ମୁନିସପାଲ କର୍ପୋରେସନ) ପକ୍ଷରୁ ମଧ୍ୟ ଆସନ୍ତା ଗଣେଶ ପୂଜା ପାଇଁ ଉପରେ କେତେକ କଟକଣା ଜାରି କରାଯାଇଛି । ସିଏମସି ଗାଇଡଲାଇନ ଅନୁଯାୟୀ, ଆବଦ୍ଧ ପରିବେଶ ମଧ୍ୟରେ ହେବ ପୂଜା। ଗତବର୍ଷ ଭଳି ଚଳିତବର୍ଷ ମଧ୍ୟ ସର୍ବସାଧାରଣ ଦର୍ଶନକୁ ନିଷେଧ କରାଯାଇଛି।