ସିଏମ୍ସି କମିସନର୍ଙ୍କୁ ଦାବିପତ୍ର ପରେ କାର୍ଯ୍ୟାନୁଷ୍ଠାନ; ଧରାହେଲେ ୨୨ କୁକୁର
କଟକ: ମହାନଗର ନିଗମ ପକ୍ଷରୁ ଦୀର୍ଘ ଦିନ ପରେ ସହରରେ ବୁଲା କୁକୁର ଧରା କାର୍ଯ୍ୟକ୍ରମ ହୋଇଛି। ସହରରେ ବୁଲା କୁକୁର ବଂଶ ବଢି ଚାଲିଥିବା ବେଳେ ସେମାନଙ୍କୁ ଧରିବାକୁ ବାରମ୍ବାର ଦାବି ହୋଇ ଆସୁଥିଲା। କଲେଜଛକ ପୂଜା କମିଟି ପକ୍ଷରୁ ସ୍ଥାନୀୟ ଅଞ୍ଚଳରୁ କୁକୁର ଧରିବାକୁ କମିସନରଙ୍କୁ ଏକ ସ୍ମାରକପତ୍ର ପ୍ରଦାନ କରାଯିବା ପରେ ଆଜି କୁକୁର ଧରା କାମ ଆରମ୍ଭ ହୋଇଛି। ନିଗମ ତରଫରୁ କଲେଜଛକ, ପୋଷ୍ଟ ଅଫିସ ଛକ, ବମ୍ବେ ହୋଟେଲ, ପିଲିଗ୍ରିମ ରୋଡ, ଷ୍ଟେସନ ବଜାରରୁ ଆଜି ୨୨ଟି କୁକୁରକୁ ଧରାଯାଇ ସାର୍ତ୍ତୋଳସ୍ଥିତ କୁକୁର ବଂଧ୍ୟାକରଣ କେନ୍ଦ୍ରକୁ ପଠାଯାଇଛି।
Sambad is now on WhatsApp
Join and get latest news updates delivered to you via WhatsApp
ସହରରେ ବୁଲା କୁକୁରଙ୍କ ସଂଖ୍ୟା ଏବେ ୫୫ ହଜାର ଉପରେ ରହିଛି। କୁକୁର ବଂଶ ବଢି ଚାଲିଥିବା ବେଳେ ସିଏମ୍ସି ପକ୍ଷରୁ କୁକୁର ବଂଧ୍ୟାକରଣ କାର୍ଯ୍ୟକ୍ରମ ଏକ ପ୍ରକାର ବନ୍ଦ ହୋଇଯାଇଥିଲା। କୁକୁର ଧରିବାକୁ ବାରମ୍ବାର ଦାବି ହେଉଥିଲେ ବି ନିଗମ ପକ୍ଷରୁ ଏହାକୁ ଅଣଦେଖା କରାଯାଉ ଥିଲା।