କୁକୁର ମୃତ୍ୟୁକୁ ନେଇ ଥାନାରେ ଏତଲା
କଟକ: ଚିକିତ୍ସା ଅବହେଳା କାରଣରୁ ପୋଷା କୁକୁରର ମୃତ୍ୟୁକୁ ନେଇ ଲାଲବାଗ ଥାନାରେ ଏତଲା ଦିଆଯାଇଛି। ଆନିମଲ ୱେଲଫେୟାର୍ ଟ୍ରଷ୍ଟ ପକ୍ଷରୁ ଏତଲା ଦିଆଯାଇଥିବା ବେଳେ ପୁଲିସ ଏତଲା ନରଖିବା ଘଟଣାକୁ ନେଇ ଅସନ୍ତୋଷ ଦେଖା ଦେଇଛି।
ସୂଚନା ଅନୁଯାୟୀ, ଆନିମଲ ୱେଲଫେୟାର୍ ଟ୍ରଷ୍ଟ ପକ୍ଷରୁ ଜଣେ ବ୍ୟକ୍ତି କିଛି ଦିନ ତଳେ ଗୋଟିଏ ପୋଷା କୁକୁରକୁ ପୋଷ୍ୟ ଭାବେ ଗ୍ରହଣ କରିଥିଲେ। ଏହି କୁକୁରର ଦେହ ଖରାପ ହେବା ପରେ ଆନିମଲ ୱେଲଫେୟାର୍ ଟ୍ରଷ୍ଟକୁ ଏ ସମ୍ପର୍କରେ ଜଣାଇବା ପରେ ସେମାନେ ତାର ଚିକିତ୍ସା ପାଇଁ ରାଜି ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ପରବର୍ତ୍ତୀ ସମୟରେ କୁକୁର ରଖିଥିବା ବ୍ୟକ୍ତି ଜଣକ ଚିକିତ୍ସା ପାଇଁ କୁକୁରକୁ ସଂସ୍ଥାକୁ ଦେଇ ନ ଥିଲେ କି ନିଜ ତରଫରୁ ମଧ୍ୟ କୌଣସି ଚିକିତ୍ସା କରାଇ ନ ଥିଲେ। ତେଣୁ କୁକୁରର ଦେହ ଅଧିକ ଖରାପ ହେବାରୁ ତାର ମୃତ୍ୟୁ ହୋଇଥିଲା। ଶବ ସତ୍କାର ପାଇଁ ମୃତ କୁକୁରକୁ ଆନିମଲ ୱେଲଫେୟାର୍ ଟ୍ରଷ୍ଟ ନେବାକୁ ଚାହୁଁଥିବା ବେଳେ କୁକୁର ରଖିଥିବା ବ୍ୟକ୍ତି ଜଣକ ଦେବାକୁ ରାଜି ହୋଇନଥିଲେ। ଏନେଇ କଟକ ଲାଲବାଗ ଥାନାରେ ଆନିମଲ ୱେଲଫେୟାର୍ ଟ୍ରଷ୍ଟ ପକ୍ଷରୁ ଏତଲା ଦିଆଯାଇଛି। କିନ୍ତୁ ପୁଲିସ ଏତଲା ଗ୍ରହଣ କରିବାକୁ ରାଜି ନହେବାରୁ ଟ୍ରଷ୍ଟର ଅଧିକାରୀ ପୁର୍ବି ଦାସ ଓ ଶୁଭେନ୍ଦୁ କୁମାର ଅସନ୍ତୋଷ ପ୍ରକାଶ କରିଛନ୍ତି।