କଟକ: ତିିନିଟି ନକଲି ମୋବିଲ୍ କାରଖାନା ରବିବାର ଠାବ ହୋଇଛି। କଟକ ଜିଲ୍ଲାର ଜଗତପୁର ଅନ୍ତର୍ଗତ ଭଇରିପୁରରେ ଭିନ୍ନ ଭିନ୍ନ ସ୍ଥାନରେ ଏହି ୩ଟି ମୋବିଲ କାରଖାନା ଠାବ ହୋଇଥିବା ଜଣାପଡ଼ିଛି। ଏହି କାରଖାନା ଗୁଡ଼ିକରୁ ପ୍ରାୟ ୨୦ ହଜାର ଲିଟରରୁ ଅଧିକ ନକଲି ମୋବିଲ ଜବତ ହୋଇଥିବା ବେଳେ ଏହି ଘଟଣାରେ ସଂପୃକ୍ତ ଜଣେ ବ୍ୟକ୍ତିକୁ ପୁଲିସ ଅଟକ ରଖିଛି।
Sambad is now on WhatsApp
Join and get latest news updates delivered to you via WhatsApp
ଜଗତପୁର ଅଞ୍ଚଳରେ ନକଲି ମୋବିଲ୍ କାରଖାନା ପରିଚାଳନା ହେବା ନେଇ ପୁଲିସକୁ କିଛି ଦିନ ତଳେ ସୂଚନା ମିଳିଥିଲା। କାରଖାନା ଗୁଡ଼ିକରେ ଚଢ଼ାଉ କରିବା ପାଇଁ ପୁଲିସ ପୂର୍ବରୁ ଯୋଜନା କରିଥିଲା। ଆଜି ଯୋଜନା ମୁତାବକ ଚଢ଼ାଉ କରାଯାଇଥିଲା। ଚଢ଼ାଉ ବେଳେ ପୁଲିସ ଜଣକୁ ଅଟକ ରଖିଛି। ନକଲି ମୋବିଲ ଉତ୍ପାଦନ ପାଇଁ କାରଖାନାର ମାଲିକମାନେ କେଉଁଠାରୁ ଓ କେମିତି ସାମଗ୍ରୀ ଆଣୁଥିଲେ ଓ ଉତ୍ପାଦିତ ମୋବିଲକୁ ବଜାରରେ କେମିତି ବିକ୍ରି କରୁଥିଲେ ପୁଲିସ ସେ ନେଇ ତଦନ୍ତ କରୁଛି।
ସୂଚନାଯୋଗ୍ୟ, କଟକରେ ନକଲି ମୋବିଲ କାରଖାନା ଠାବ ହେବା ନୂଆ ଘଟଣା ନୁହେଁ, କାରଣ ପୂର୍ବରୁ ମଧ୍ୟ ନକଲି ମୋବିଲ କାରଖାନା ଠାବ ହୋଇଥିଲା।