କାଳ ବୈଶାଖୀ, ଗଛ ପଡ଼ି ଦିବ୍ୟାଙ୍ଗଙ୍କ ଘର ଭାଙ୍ଗିଲା

କଟକ: ଶନିବାର ସଂଧ୍ୟାରେ କଟକରେ କାଳବୈଶାଖୀ ସମୟରେ ଜଣେ ବ୍ୟକ୍ତିଙ୍କ ଘର ଉପରେ ନଡ଼ିଆ ଗଛ ପଡିଛି। ଏହି ଘଟଣାରେ ଆଜବେଷ୍ଟସ୍ ଘର ଭାଙ୍ଗି ଯିବା ସହିତ ଦୁଇ ଜଣ ଆହତ ହୋଇଛନ୍ତି। ସିଏମସି ୧୭ ନମ୍ବର ୱାର୍ଡ ଅନ୍ତର୍ଗତ ସୂତାହାଟ ଡଗବରସାହିରେ ଏହି ଘଟଣା ଘଟିଛି। ନଡ଼ିଆ ଗଛ ପଡ଼ି ଶେଖ ରହିମଙ୍କ ଘରର ଆଜବେଷ୍ଟସ ଛାତ ଭାଙ୍ଗି ଯାଇଛି। ଘର କାନ୍ଥ ବି ଫାଟି ଯାଇଛି। ଏଥିରେ ରହିମ ଓ ତାଙ୍କ ପତ୍ନୀ ଆହତ ହୋଇଛନ୍ତି।

ଚିକିତ୍ସା ପାଇଁ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ରହିମ ଜଣେ ଦିବ୍ୟାଙ୍ଗ ହୋଇଥିବା ବେଳେ ରିକ୍ସା ଚଳାଇ ପରିବାର ପୋଷୁଥିଲେ। ଆହତ ବ୍ୟକ୍ତି ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ତାଙ୍କୁ ତୁରନ୍ତ ଆର୍ଥିକ ସହାୟତା ପ୍ରଦାନ ପାଇଁ ଦାବି ହୋଇଛି।