ସଡ଼କ ଦୁର୍ଘଟଣାରେ ଚାଲିଗଲା ରେଭେନ୍ସା ବିଶ୍ୱବିଦ୍ୟାଳୟର ହିନ୍ଦୀ ଅଧ୍ୟାପକଙ୍କ ଜୀବନ

କଟକ: କଟକ ସଦର ଥାନାରେ ନିକଟରେ ଦୁର୍ଘଟଣାରେ ଜଣେ ଯୁବ ଅଧ୍ୟାପକଙ୍କ ଅକାଳ ବିୟୋଗ ଘଟିଥିବାର ଖବର ମିଳିଛି। କଟକ ସଦର ଥାନା ଅଞ୍ଚଳ ପାଇକସାହିରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଯୁବ ଅଧ୍ୟାପକ କଲେଜକୁ ଆସୁଥିବା ବେଳେ ଏକ ପିକଅପ ଭ୍ୟାନ୍ ତାଙ୍କ ମୋଟରସାଇକେଲକୁ ପଛପଟୁ ପିଟିବାରୁ ଦୁର୍ଘଟଣା ଘଟିଛି। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି।

ମୃତକଙ୍କ ନାମ ପୁରନ୍ଦର ବିଶ୍ୱାଳ ବୋଲି ଜଣାଯାଇଛି। ସେ ରେଭେନ୍ସା ବିଶ୍ୱବିଦ୍ୟାଳୟରେ ହିନ୍ଦୀ ଅଧ୍ୟାପକ ଭାବେ କାର୍ଯ୍ୟରତ ଥିଲେ।