କଟକ: ଦେବୀଗଡ଼ାରେ ଗଡ଼ିଲା ୫୬ ମେଢ଼
କଟକ: କରୋନା କଟକଣା ଭିତରେ ଗତକାଲି ଗୋଟିଏ ଦିନରେ ଦେବୀ ଗଡ଼ାରେ ମୋଟ ୫୬ଟି କାଳୀ ମେଢ଼ ବିସର୍ଜନ ହୋଇଛି। ଆଜି ରବିବାର ଫିରିଙ୍ଗବଜାର ଓ ଚାନ୍ଦିନୀଚୌକ ମେଢ଼ ବିସର୍ଜନ ହେବ। ଆହୁରି ୬ଟି ମେଢ଼ ସ୍ଥାନୀୟ ଅଞ୍ଚଳରେ ଥିବା ପୋଖରୀରେ ବିସର୍ଜନ ହେବ। ଗତକାଲି ସକାଳ ୭ଟାରୁ ଦିନ ପ୍ରାୟ ୨ଟା ପର୍ଯ୍ୟନ୍ତ ମେଢ଼ ବିସର୍ଜନ କରାଯାଇଥିଲା। ଏଥିପାଇଁ କମିସନରେଟ୍ ପୁଲିସ ପକ୍ଷରୁ ଦେବୀଗଡ଼ାରେ ୩ ଅଫିସର ଓ ୩ ସେକ୍ସନ ପୁଲିସ ଫୋର୍ସ ମୁତୟନ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଏହା ସହିତ ମଣ୍ଡପରୁ ଦେବୀଗଡ଼ା ଯାଏ ଆସୁଥିବା ମେଢ଼ ଚାରିପଟେ ସୁରକ୍ଷା ବ୍ୟବସ୍ଥା ଯୋଗାଇବାକୁ ୧୨ ଅଫିସର ଓ ୧୩ ସେକ୍ସନ ପୁଲିସ ଫୋର୍ସ ମୁତୟନ କରାଯାଇଥିଲା। ଦେବୀଗଡ଼ା ନିକଟରେ ପୁଲିସ କମିସନର ସୌମେନ୍ଦ୍ର ପ୍ରିୟଦର୍ଶୀ, ଡିସିପି ପ୍ରତୀକ ସିଂହ, ଅତିରିକ୍ତ ଏସିପି ପ୍ରମୋଦ ରଥ, ଅନିଲ ମିଶ୍ର ପ୍ରମୁଖ ଉପସ୍ଥିତ ରହି ସ୍ଥିତି ଅନୁଧ୍ୟାନ କରିଥିଲେ।