କଟକ ମେୟର ଓ କମିଶନରଙ୍କୁ ଘେରିଲେ ଲୋକେ
କଟକ: କଟକ କେଶରପୁରରେ ଵକ୍ସ ଡ୍ରେନ କାମ ଚାଲିଥିବା ସ୍ଥାନରେ ଦୁର୍ଘଟଣା ଘଟି ଜଣେ ନାବାଳିକା ଏନ୍ ମୋହିନି ଦାସଙ୍କ ଗତକାଲି ମୃତ୍ୟୁ ଘଟିଥିଲା। ଆଜି ଘଟଣା ସ୍ଥଳରେ ପହଞ୍ଚିଥିଲେ କଟକ ମହାନଗର ନିଗମର ମେୟର ସୁବାସ ସିଂହ ଓ କମିସନର ନିଖିଲ ପୱନ କଲ୍ୟାଣ । ପରିବାର ଲୋକଙ୍କ ସହ କଥା ହେବା ପରେ ସମବେଦନା ଜ୍ଞାପନ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ସମୟରେ ସ୍ଥାନୀୟ ଲୋକେ, କଂଗ୍ରେସର ନେତ୍ରୀ ଗିରିବାଳା ବେହେରା ଓ ତାଙ୍କ ସମର୍ଥକମାନେ ଉଭୟ ମେୟର ଏବଂ କମିସନରଙ୍କୁ ଘେରିଥିଲେ। ଏମିତିକି କଥା ଠେଲାପେଲା ପର୍ଯ୍ୟନ୍ତ ପହଞ୍ଚିଥିଲା। ମୃତ୍ୟୁ ଘଟଣା ପାଇଁ ସଂପୂର୍ଣ୍ଣ ଭାବେ ମହାନଗର ନିଗମକୁ ଦାୟୀ କରିବା ସହ କ୍ଷତିପୂରଣ ଏବଂ ଦୋଷୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଥିଲେ।